ހއ.ހޯރަފުށީ ސިއްޙީ މަރުކަޒަށް ފަރުވާ ދިނުމަށް ގެންދިޔަ ތުއްތު ކުއްޖަކަށް ފަރުވާ ދިނުމަށް އިންކާރުކިުރި ޑޮކްޓަރު ސަސްޕެންޑްކޮށްފިއެވެ.
ނައިޖީރިއާއަށް ނިސްބަތްވާ އެ ޑޮކްޓަރު ސަސްޕެންޑްކުރީ، އިއްޔެ ރޭ ވަރަށް ހުންގަދަވެގެން އެއް އަހަރުގެ ކުއްޖަކު ޑޮކްޓަރަށް ދައްކަން ދިއުމުން، ޑޮކްޓަރު އަރާމުކޮށްލަނީކަމަށް ބުނެ އެކުއްޖާއަށް ފަރުވަދިނުމަށް އިއންކާރު ކުރުމުންނެވެ. އެކަމާއި ގިނަ ބަޔަކު އައީ ކަންބޮޑުވުން ފާޅުކުރަމުންނެވެ. ސިއްޙީ މަރުކަޒުގެ މުވައްޒަފުންނާއި ނަރުހުންވެސް އެކުއްޖާއަށް ފަރުވާ ދިނުމަށް އެދި އާދޭސްކުރުމުންވެސް އެ ޑޮކްޓަރު އެކުއްޖާއަށް ފަރުވާ ދިނުމަށް އިންކާރުކުރިކަމަށް ސޯޝަލް މީޑިއާގައި ބުނެފައިވެއެވެ.
އެ މައްސަލަ ހޫނުވެފައިވަނިކޮށް އެ ޑޮކްޓަރު މިހާރު ވަނީ ސަސްޕެންޑްކޮށްފައެވެ. އެ ޑޮކްޓަރު މީގެ ކުރިންވެސް ޑޮކްޓަރުގެ ރޫމްގައި މޭޒުމަތީގައި ބޯއަޅައިގެން ނދާ ފޮޓޯތަކެއް ސޯޝަލް މީޑިއާގައި ދައުރުވެފައިވެއެވެ. އެގޮތުން ބަލިމީހާ ރޫމްގައި އިންދަވެސް ޑޮކްޓަރު ނިދާފައިވާ ފޮޓީވެސް ފެނެއެވެ.
ނައިޖީރިއާ ޑޮކްޓަރު ސަސްޕެންޑްކުރިނަމަވެސް އެ ސިއްޙީ މަރުކަޒުގައި މިސްރުގެ ޑޮކްޓަރަކުވެސް މަސައްކަތްކުރަމުންދެއެވެ. އެހެންކަމުން ޚިދުމަތް މެދު ނުކެނޑޭނެކަމަށް ސިއްޙީ މަރުކޒުން ބުންޏެވެ.
