ޖޯންސަން އެންޑް ޖޯންސަންއިން އުފައްދަމުން އަންނަ މަޝްހުރު ބޭބީ ޕައުޑަރ 2023ވަނަ އަހަރުން ފެށިގެން ވިއްކުން ހުއްޓާލުމަށް އެކުންފުނިން ނިންމަައި ފިއެވެ.
މި ބާވަތުގެ، ކުޑަކުދިންނަށް ޚާއްސަ މޫނުގައި ޖަހާ ފުށް ދުނިޔޭގެ އެކި ކަންކޮޅުތަކުގައި ވިއްކުން ހުއްޓާލުމަށް ޖޯންސަން އެންޑް ޖޯންސަންއިން ނިންމާފައި މިވަނީ މި އުފެއްދުން ބޭނުން ކުރަމުންދިޔަ އެތައްހާސް އާންމު މި އުފެއްދުމުގެ ސަލާމަތާއި ގުޅޭގޮތުން ގާނޫނީ އިދާރާތަކަށް މައްސަލަ ހުށަހެޅުމާއި ގުޅިގެން އެމެރިކާގައި މި އުފެއްދުން ވިއްކުން ހުއްޓާލިތާ ދެ އަހަރެއްހާ ދުވަސް ފަހުންނެވެ.
"ދުނިޔޭގެ އެކި ކަންކޮޅުތަކުގައި ބޭނުންކުރެވޭ މިއުފެއްދުމުގެ ޚާއްސަ ޕޯޓފޯލިއޯ އެސެސްމަންޓެއް ހެދުމަށްފަހު ބޭބީ ޕައުޑަރ ޕޯޓްފޯލިއާއި ގުޅޭ މުހިންމު ވިޔަފާރީގެ ނިންމުމެެއް މިވަނީ ނިންމާފަ،" ކުންފުނިން ބުނެފައި ވެއެވެ. އަދި ބުނެފައިވަނީ މި މޮޑެލްގެ ބޭބީ ޕައުޑަރ އަދިވެސް ދުނިޔޭގެ އެކި ކަންކޮޅުތަކުގައި ވިއްކަމުން ދާކަމުގައެވެ.
2020 ވަނަ އަހަރު ޖޯންސަން އެންޑް ޖޯންސަންއިންވަނީ އެކުންފުނިން އުފައްދާ މި ބްރޭންޑުގެ ބޭބީ ޕައުޑަރ އެމެރިކާއާއި ކެނެޑާގައި ޑިމާންޑް ދަށަށް ދިއުމުގެ ސަބަބުން ވިއްކުން ހުއްޓާލާފައެވެ. އެ ކުންފުނިން ބުނެފައިވާ ގޮތުގައި މި ޕްރޮޑަކްޓްގެ ޑިމާންޑް ދަށަށް ގޮސްފައިވަނީ، މި އުފެއްދުމުގެ ސަމާލަތީ ކަންކަމާއި ގުޅިގެން ނުރަގަޅު މައުލޫމާތު ފެތުރުމުގެ ސަބަބުން ކަމުގައެވެ. އަދި އޭރު ކުންފުނިންދިޔައީ ގާނޫނީ މަރުހަލާގައި މި އުފެއްވުމުގެ ދިފާއުގައި ވަކާލާތު ކުރަމުންނެވެ.
ކުންފުންޏަށް ވަނީ މި އުފެއްދުން ބޭނުން ކުރަމުންދާ 38،000 ކަސްޓަމަރުންގެ ގާނޫނީ މަރުހަލާތަކަށް ހުށަހަޅާފައިވާ ގާނޫނީ މައްސަލަތަކާއި ކުރިމަތިލާން ޖެހިފައެވެ. ކަސްޓަމަރުން ބުނެފައިވަނީ މި އުފެއްދުމުން ކެންސަރު ޖައްސާދޭ ކަމުގައެވެ. ސަބަބެއް ކަމުގައި ބުނެފައިވަނީ މި އުފެއްދުމުގައި ފައިބަރު އެކުލެވޭ މާއްދާއެއް ކަމުގައި އެސްބެސްޓާސް ހިމެނިފައި ވުމެވެ. މިއީ ހަށިގަޑުގެ ދިރޭ ޓިޝޫތަކަށް ކެންސަރު ޖައްސާދޭ މާއްދާއެކެވެ.
އެހެންނަމަވެސް ޖޯންސަން އެންޑް ޖޯންސަންއިންވަނީ މި ތުހުމަތުތައް ދޮގު ކޮށްފައެވެ. އަދި ބުނެފައިވަނީ އެތައް އަހަރެއްވަންދެން ކޮށްފައިވާ ތަހުލީލުތަކާއި އަދި ސަރުކާރުން ދޫކޮށްފައިވާ ހުއްދަތަކުންވެސް، މި މާއްދާ މިއުފެއްދުމުގައި އެކުލެވިގެން ނުވާކަން ހާމަވާން ހުރި ކަމުގައެވެ. އަދި މި ހަފްތާގެ ބުރާސްފަތި ދުވަހު، މި އުފެއްދުން ވިއްކުން ހުއްޓާލުމަށް ހަމަޖެހިފައިވާކަން ހާމަ ކުރަމުންވެސް، ކުންފުނިންވަނީ މިމާއްދާ މިއުފެއްދުމުގައި އެކުލެވިގެން ނުވާކަމަށް ބުންމުންދާ ބުނުން ތަކުރާރު ކޮށްފައެވެ.
1984 ވަނަ އަހަރުންފެށިގެން ޖޯންސަންސް ބޭބީ ޕައުޑަރ ވަނީ އެކުންފުނިން އުފައްދާ "އާއިލީ-ރައްޓެހި" ބާވަތްތަކުގެ ރަމްޒެއްގެ ގޮތުގައި ބެލެވެމުން އައިސްފައެވެ.
