ޒުވާން ދެ ތަރިން ކަމުގައިވާ އަނައްނިޔާ ޕާންޑޭ އާއި ވިޖޭ ދެވަރަކޮންޑާގެ ފިލްމް "ލައިގާ"ގެ ލަވައެއް ކަމުގައިވާ "އާފަތު" ދައްކާލައިފިއެވެ.
މި ފިލްމަކީ ސައުތުގެ މަޝްހޫރު އެކްޓަރު ވިޖޭ ބޮލީވުޑަށް ތައާރަފް ވާ ފިލްމެވެ. "އާފަތު" އަކީ ވަރަށް ރޮމޭންޓިކް ވަރަށް ގައިގޯޅި މަންޒަރުތަކެއް ދައްކުވައިދޭ ލަވައެކެވެ. މިލަވައިން އެ ދެތަރިންގެ ކެމިސްްޓްރީ ވަރަށް ރަނގަޅަށް ފެނިގެންދެއެވެ. މީގެ އިތުރުން ތަފާތު ނެށުމެއްވެސް ފެނިގެންދެއެވެ.
ރަޝްމީ ވިރާގް ލިޔެ، ތަނިޝްކް އާއި ޒަހްރާ ޚާން ކިޔާފައިވާ އެ ލަވައަކީ ތަނިޝްކް ބަގްޗީ ކޮމްޕޯސްކޮށްފައިވާ ލަވައެކެވެ."އާފަތު" ލަވައިގެ މަންޒަރުތައް ނަގާފައި ވަނީ ތައިލޭންޑްގައެވެ. ލަވައިގެ ނެށުން ތައްޔާރުކޮށް ދިނީ ޕިޔޫޝް-ޝާޒިއާއެވެ.
ލަވަ ރިލީޒް ކުރުމާއިއެކު ވަނީ މިލިއަން ވިއުސް ލިބިފައެވެ. ކަރަން ޖޯހަރު ކޯ ޕްރޮޑިއުސްކުރާ އެ ފިލްމުގައި ވިޖޭ ފެންނާނީ ބޮކްސިން ތަޅާ މީހެއްގެ ރޯލުންނެވެ. ފިލްމުގައި ރަމްޔާ ކްރިޝްނާ އާއި ރޯނިތު ރޯއީ ފަދަ ތަރިން ވެސް ފެންނާނެއެވެ.
View this post on Instagram
މިމަހުގެ 25 ގައި ރިލީޒްކުރާ އެ ފިލްމު ފަސް ބަހަކުން ނެރޭނެ އެވެ. އެއީ ހިންދީ އާއި ތެލޫގޫ އާއި ތަމަޅަ އަދި މަލަޔާލަމްގެ އިތުރުން ކަންނަޑާ ބަހެވެ.
