ޑައިރެކްޓަރ ފަރްހާން އަޚްތަރު ހަދަން ތައްޔާރުވެފައިވާ ފިލްމް "ޖީ ލޭ ޒަރާ"ގެ ރޯލެއް ޒުވާން އެކްޓަރ އިޝާން ޚައްޓަރަށް ލިބިއްޖެއެވެ.
ޝާހިދު ކަޕޫރްގެ ކޮއްކޮ އެ ފިލްމުގެ ރޯލަކަށް ސޮއިކުރި ވާހަކަ މީޑިއާތަކުން ރިޕޯޓްކުރި ނަމަވެސް ފިލްމުގެ ޓީމުން އަދި އެކަން ކަށަވަރު ކޮށްދީފައެއް ނުވެއެވެ.
ތިން އަންހެން އެކުވެރިންގެ ރޯޑް-ޓްރިޕް ފިލްމެއްގެ ގޮތުގައި ހަދާ "ޖީ ލޭ ޒަރާ" ރަސްމީ ކޮން އިއުލާން ކޮށްފައިވާ އިރު ފިލްމުގެ ލީޑުން ފެނިގެން ދާނީ މިހާރު ބޮލިވުޑް އޭ ލިސްޓްގައި ހިމެނޭ ތިންތަރިންނެވެ. އެއީ ކެޓްރިނާ ކައިފް، ޕްރިޔަންކާ ޗޯޕްރާ އަދި އާލިއާ ބަޓެވެ.
މީގެ ރޯލަކަށް އިޝާން، 26، ސޮއިކޮށްފައިވާކަމަށް މީޑިއާތަކުން ބުނަމުން ދާއިރު، ކެޓްރީނާގެ ކުރިއަށް އޮތް ފިލްމް "ފޯން ބޫތު"ގެ ރޯލަކުންވެސް އިޝާން ފެނިގެން ދާނެއެވެ. މީގެ އިތުރުން ފިލްމުގެ ރޯލެއް ކެޓްރީނާގެ ފިރިމީހާ އެކްޓަރު ވިކީ ކޯޝަލަށް ވެސް ހުށަހަޅާފައި ވާކަމަށް ޚަބަރުތައް ބުނެއެވެ.
"ޖީ ލޭ ޒަރާ" ގެ ޝޫޓިންގ އަންނަ އަހަރު ފަށާނެ ކަމަށް އެ ފިލްްމުގެ އެއް ބަތަލާ އާލިއާ ބަޓް މިދިއަ ހަފްތާގައި ވަނީ ބުނެފައެވެ. އަދި ފިލްމުން ތިން ބަތަލާއިން ފެނިގެންދާނެ ކަމަށް ވެސް ވަނީ ބުނެފައެވެ.
ފިލްމުގެ މަސައްކަތާ މެދުގައި ސުވާލު އުފެދިފައިވާ ދަނޑިވަޅެއްގައި އާލިއާ މިކަން ކަށަވަރު ކޮށްދީފައި ވާއިރު އާލިއާ އިނީ އޭނާގެ އަލަތު ދަރިއަށް ބަލިވެއެވެ.
މީގެ އިތުރުން ޕްރިޔަންކާއަށް ވެސް ދާދިފަހުން ވަނީ ކުއްޖަކު ލިބިފައެވެ. މިހާރު ހަ މަހުގެ މާލްތީ އަކީ ޕްރިޔަންކާ ސަރޮގަސީ ކޮށްގެން ހޯދި ކުއްޖެކެވެ.
މިދިއަ އަހަރު އެކްޓަރ ވިކީ ކޯޝަލާ ކައިވެނި ކުރިފަހުން ކެޓްރީނާ ވެސް މަންމަ އަކަށް ވާންއުކޭ ކަމަށް، ދޭތެރެ ދޭތެރެއިން އަންނަނީ ވާހަކަތައް ފެތުރެމުންނެވެ.
ކޮމެންޓު ފޮނުވާ