ބޮލީވުޑްގެ ޒުވާން ދެ ތަރިން ކަމަށްވާ ކާތިކް އާރިޔާން އާއި ކިއާރާ އަދުވާނީ ގެ ފިލްމްގެ ނަން އިއުލާން ކޮށްފިއެވެ.
ކިއާރާގެ 30 ވަނަ އުފަން ދުވަހާއި ދިމާކޮށް އެ ފިލްމްގެ ނަން އިއުލާން ކޮށްފައިވާ އިރު މީގެ ކުރިން ވެސް އެ ފިލްމް އަށް ނަމެއް ދިނެވެ. ކުރިން އެ ފިލްމް އަށް ކީ "ސަތިޔަނާރަޔަން ކީ ކާތާ"އެވެ. ނަމަވެސް މި ފިލްމްގެ ނަމާ މެދު ބަޔަކު މައްސަލަ ޖައްސަފާނެކަމަށް ބަލައި ނަމަށް ވަނީ މިހާރު ކުޑަ ބަދަލެއް ގެނެސްފައެވެ. މިހާރު ފިލްމުގެ ނަމަކީ "ސަތިޔަޕްރޭމް ކީ ކާތާ" އެވެ.
ކާތިކް ވަނީ ކިއާރާގެ އުފަންފުދުވަހު ތަހުނިޔާ ކިޔަމުން ފިލްމުގެ ނަން އިންސްޓަގްރާމްގައި ހިއްސާ ކޮށްފައެވެ. މިއީ މި ދެތަރިން އެކުގައި ކުޅޭ ދެވަނަ ފިލްމެވެ.
View this post on Instagram
މި ދެތަރިން ވަނީ މި އަހަރުގެ އެންމެ ކާމިޔާބު އެއް ފިލްމު ކަމުގައިވާ "ބޫލް ބުލައްޔާ 2″ ގައި އެކުގައި މަސައްކަތް ކޮށްފައެވެ. އެ ފިލްމުގެ ކާމިޔާބީ އާއި އެކު ދެތަރިންގެ ޑިމާންޑް ވެސް މިހާރު ވަނީ ވަރަށް ބޮޑު ވެފައެވެ.
