މަކުނުވިދުރީގެ އެއްވެސް ކޭހެއް މިހާތަނަށް ރާއްޖެއިން ފެނިފައި ނުވާކަމަށް ހެލްތު މިނިސްޓްރީއިން ބުނެފިއެވެ.
ޔޫރަޕްގެ ގައުމަކުން ރާއްޖެ އެތެރެވި މީހެއްގެ ކިބައިން މަކުނުވިދުރި ކަމަށް ޝައްކުރެވޭ އަލާމާތްކަކެއް ފެންނާން ހުރުމުގެ ސަބަބަނުން އޭނާގެ ޓެސްޓުތައް ހެދުމުގެ މަސައްކަތް ޓްރީޓޮޕް ހޮސްޕިޓަލުގައި މިއަދުކޮށްފައިވެއެވެ.
ހެލްތު މިނިސްޓްރީން ބުނީ، މަކުނު ވިދުރީގެ ޢަލާމަތްތައް ކަމަށް ޝައްކުކުރެވޭ ނިޝާންތައް ފެނިގެން ބައެއް ސިއްޙީ ޚިދުމަތްދޭ ތަންތަނުން ހެލްތު މިނިސްޓްރީއަށް ރިޕޯޓްކުރަމުންދާކަމަށެވެ. މިފަދަ ރިޕޯޓްތައް ލިބުމުން، އެއީ މަކުނު ވިދުރީގެ އަލާމަތްތޯ ބެލުމަށް ހެލްތު މިނިސްޓްރީން އެކަން އިތުރަށް ބަލަމުންދާކަމަށެވެ. އަދި މިކަމާ ގުޅޭ އިވަލުއޭޝަންތަކެއް ހަދާކަމަށެވެ. މިގޮތަށް ހުށައެޅުނު ކޭސްތަކުގައި، މަކުނު ވިދުރިއަށް ޝައްކު ކުރެވޭ ކޭސްއެއްވެސް މިހާތަނަށް ރާއްޖެއިން ފެނިފައި ނުވާކަމަށް ހެލްތް މިނިސްޓްރީއިން ވަނީ ބުނެފައެވެ..
މަނުކުވިދުރި ޖެހޭ މީހުންގެ ގައިން ފެންނަ ބިހިތަކަކީ ހިމަ ބިއްސައްވުރެ ބޮޑެތިކޮށް ފޮޅުތަކެއްގޮތައް ނަގާފައި ހުންނަ ބިހިތަކެކެވެ.
މަކުނު ވިދުރިކަމަށް ޝައްކު ކުރެވޭ މީހަކު ޓެސްޓު ކުރަމުންދާ ކަމަށް މައުލުމާތު ލިބިފައި ވިނަމަވެސް، މި ކަމާއި ގުޅިގެން އެޗްޕިއޭއިން އަދި އެއްވެސް މައުލުމާތެއް ހާމަ ކޮށްފައެއް ނުވެއެވެ. އެހެންނަމަވެސް އެޗްޕީއޭއިން މީގެކުރިން ހާމަ ވަނީ ރާއްޖެއިން މަނުކުވިދުރި ފެނުމުގެ ފުރުސަތު ވަރަށް ބޮޑު ކަމުގައި ބުނެފައެވެ.
މަކުނު ވިދުރިއަކީ އެއްޖިންސުން ގުޅުން ހިންގާ މީހުންގެ ތެރޭގައި މިހާރު ފެތުރެމުންދާ ބައްޔެކެވެ. އަދި ދުނިޔޭގެ ސިއްޙަތު ޖަމިއްޔައިންވަނީ ދުނިޔޭގައި މިހަރު ފެތުރެމުންދާ މަކުނުވިދުރިއަކީ ހެލްތު އިމަޖެންސީއެއްކަމުގައި ކަނޑައަޅާފައެވެ.
