އޮޅުވާލައިގެން ފްލެޓް ދޭނެ ބުނި މީހަކަށް ފައިސާ ޓްރާންސްފަރ ކުރި ބޮޑު މުއަމަލާތެއް ފަޅާ އަރައިފިއެވެ. ފިނޭންސް މިނިސްރީގެ ޒިންމާދާރު ވެރިޔާ އަބްދުالله އަލީއަށް ފްލެޓެއް ދޭނެ ކަމަށް ބުނުމުން، ފިނޭންސް މިނިސްޓްރީގެ ކުރެޑިކް ކާޑުން، އޭނާއަށް ފޯނުކުރި މިހަކަށް ޓްރާންސްފަރ ކޮށްފައިވަނީ 80،000 ރުފިޔާކަމަށް މައުލުމާތު ލިބިފައިވެއެވެ.
އޮޅުވާލައިގެން މީހުންގެ އެކައުޓުގައި ހުންނަ ފައިސާ، އެކައުންޓުގެ މައުލޫމާތު ހޯދައިގެން ނަގާ މައްސަލަތައް ފަހަކަށް އައި ބޮޑުވެފައި ވާއިރު، ފިނޭންސް މިނިސްޓްރީގެ ކުރެޑި ކާޑުން އަމިއްލަ މީހަކާއި ގުޅުންހުރި މުއާމަލާތެއް ކުރަންޖެހުނު ސަބަބެއް އަދި ސާފު ވެފައެއް ނުވެއެވެ. އަދި ފިނޭންސް މިނިސްޓްރީންވެސް މިކަމާއި ގުޅޭގޮތުން އެއްވެސް މައުލޫމާތެއް އަދި ހާމަ ކޮށްފައެއް ނުވެއެވެ.
މައުލޫމާތު ލިބިފައިވާ ގޮތުގައި ފްލެޓް ދޭނެކަމަށް ބުނެ، ފިނޭންސް މިނިސްޓްރީގެ ޒިންމާދާރު ވެރިޔާއާއި މީހަކު ވާހަކަ ދައްކާފައިވަނީ ހައުސިންގ ޑިވެލޮޕްމެންޓް ކޯޕަރޭޝަން އެޗްޑީސީގެ މުވައްޒަފެއްގެ ނަމުގައެވެ.
މައުލޫމާތު ލިބިފައިވަ ގޮތުގައި ފިނޭންސްގެ ޒިންމާދާރު ވެރިޔާއަށް ސްކޭމް ކޯލެއް އައިސް މި މުއާމަލާތް ހިނގާފައިވާއިރު، ފާއިތުވެދިޔަ ދުވަސްތަކުގައި އެ މިނިސްޓްރީގެ އެހެން މުވައްޒަފުންނަށްވެސް ވަނީ ހަމަ މިބާވަތުގެ ސްކޭމް ކޯލްތަކެއް އައިސްފައެވެ.
އަދި މިފަދަ ކޯލްތައް ގިނަވެ، ފލެޓް ދޭނަކަމަށް ބުނެ އެޗްޑިސީގެ ނަމުގައި ގިނަ ކޯލްތަކެއް ދާތީ، އެކުންފުނިންވެސް ވަނީ ކުންފުނީގެ ނަމުގައި ފްލެޓްދޭން ގުޅާތީ އެއީ އޮޅުވާލުމެއް ކަމަށް ބުނެ އެކަން އެތައް ފަހަރެއްގެ މަތިން މިކަން އަންމުގެ ސަމާލުކަމަށް ގެނެސްފައެވެ.
ސްކޭމް ކޯލްތަކުން އޮޅުވާލައިގެން މީހުންގެ އެކައުންޓުތަކުގެ މައުލުމާތު ހޯދައިގެން އެކައުންޓަކުން ފައިސާ ނެގުމަކީ ރާއްޖޭގައި ފަހަކަށް އައިސް އާންމު ކަމެކެވެ. އަދި މިކަން ބޭންކުންނާއި ފުލުހުންވެސް ވަނީ އެތައް ފަހަރެއްގެ މަތިން އާންމުންގެ ސަމާލުކަމަށް ގެނެސްފައެވެ.
