ތަފާތު ފިލްމުތައް ކުޅުމަށް މަޝްހޫރު ބޮލީވުޑް އެކްޓަރ އަޔުޝްމާން ކުރާނާ އާއެކު ފިލްމެއް ކުޅުމުގެ ފުރުސަތު ސައުތުގެ ތަރި ސަމަންތާ ރޫތު ޕްރަބޫއަށް ލިބިއްޖެ ކަމަށް ޚަބަރުތައް ބުނެފިއެވެ.
ދިނޭޝް ވިޖަން އުފައްދަން ތައްޔާރުވާ މި ފިލްމަށް މިހާރު ސަމަންތާ އާއި އަޔުޝްމާން ވެސް އާނ ބަސް ބުނެފައިވާ ކަމަށް ޚަބަރުތައް ބުނެއެވެ.
މިއީ ސަމަންތާ ބޮލީވުޑްގެ ފިލްމަކުން ފެންނަ ފުރަތަމަ ފަހަރެވެ. އެހެންނަމަވެސް އޭނާ ވަނީ މީގެ އަހަރެއްހާ ދުވަސް ކުރިން ހިންދީ ވެބްސީރީޒް "ދަ ފެމެލީ މޭން ސީޒަން 2″ އިން ފެނިގެން ގޮސްފައެވެ.
މިދިއަ އަހަރެއްހާ ދުވަހުގެ ތެރޭގައި ސަމަންތާއަށް އަންނަނީ ތަފާތު ހިންދީ ފިލްމު ތަކުން ފުރުސަތު ލިބެމުންނެވެ. ނަމަވެސް އޭނާ ބޮލީވުޑްގައި މަސައްކަތް ނުކުރަނީ ބިރުގަންނާތީ ކަމަށް އޭނާ މީގެކުރިން ވަނީ އިންޓަވިއުއެއްގައި ބުނެފައެވެ.
ސަމަންތާ އަކީ ސައުތުގެ އެންމެ މަގުބޫލު ތަރިންގެ ތެރޭގައި ހިމެނޭ އެއް ތަރިއެވެ. އޭނާ ވަނީ ސައުތުގެ ގިނަ ފިލްމު ތަކަކުންފެނިގެން ގޮސްފައެވެ.
ފަހަކަށް އައިސް އޭނާއަށް މާބޮޑު މަގުބޫލުކަމެއް ލިބިގެން ދިޔައީ 2021ގެ ކާމިޔާބު ފިލްމު "ޕުޝްޕާ"ގެ އައިޓަމް ސޯންގެއްގައި ދައްކާލަދިން ހުނަރުގެ ސަބަބުންނެވެ.
ކޮމެންޓު ފޮނުވާ