މިއަދު ދުނިޔޭގެ އެންމެ ގިނަ ބަޔަކު ޓްރެކްޓްކުރި (ފްލައިޓް ދަތުރު ކުރަމުންދިޔަ މަގު ބެލި) ފްލައިޓަކީ، އިސްތިއުފާ ދެއްވުމަށް ހަމަޖެހިފައިވާ ސްރީ ލަންކާގެ ރައީސް ގޮޓަބަޔަ ރާޖަޕަކްސަ ދަތުރުކުރެއްވި ސައުދީ އެއަރލައިންގެ މަތިންދާ ބޯޓު ކަމަށް ބްލޫންބާރގްއިން ރިޕޯޓު ކޮށްފިއެވެ.
ފްލައިޓް ރާޑަރ އެޕްލިކޭޝަންއިން ދައްކާފައިވާ ޑާޓާތަކުން، ދުނިޔޭގެ އެންމެ ގިނަބަޔަކު މިއަދު ޓްރެކްކުރި ފްލައިޓަށް ގޮޓަބަޔަ ދަތުރު ކުރައްވަމުން ގެންދެވި ސައުދީ އެއަރލައި ބޯޓު ވެގެންދިއުމުން، ސްރީ ލަންކާގައި ހިގަމުންދާ ހަމަނުޖެހުންތަކަށް މުޅި ދުނިޔޭގެ ސަމާލުކަން ހުއްޓިފައިވާ މިންވަރު ވަނީ ހާމަވެގެން ގޮސްފައެވެ.
Flightradar24.com އިން ދައްކާފައިވާ ގޮތުގައި، ހުޅުލޭ އިންޓަރނޭޝަނަލް އެއަރޕޯޓުން ފުރައިގެން މިއަދު ދަދަތުރު ކުރަމުންދިޔަ ސައުދީ ފްލައިޓް 788 ދަތުރުކުރުމުންދިޔަ މަގު 5،000 މީހުންދަޔައީ މި އެޕްލިކޭޝަންއިން ބަލަމުންނެވެ. މިއީ ހަމަ އެވަގުތު ޔޫރަޕް ބައްރުން ދަތުރުކުރަމުންދިޔަ ފްރާންސްގެ އެއަރފޯސްގެ ބޯޓެއް ދަތުރުކުރަމުންދިޔަ މަގު ބަލަމުންދިޔަ މީހުންގެ 3 ގުނަ މަތީ އަދަދެކެވެ.
ނަންހާމަ ކުރަން ބޭނުންނުވާ ދިވެހިރާއްޖޭގެ ބައެއް އޮފިޝަލުންނާއި ހަވާލާދީ އެސޯޝިއޭޓް ޕްރެސްއިން ރިޕޯޓު ކޮށްފައިވާ ގޮތުގައި، ގޮޓަބަޔަ ރާޖަޕަކްސަ ދަތުރު ކުރައްވަމުން ގެންދަވަނީ، ސިންގަޕޯރ މަގުން ސައުދީ އަރަބިއާއަށް ވަޑައިގެންނެވުމަށެވެ.
ފިއްލަވައިގެން އަސްކަރީ ބޯޓެއްގައި ރާޢްޖެ ވަޑައިގަތުމަށްފަހު ރިސޯޓެއްގައި އެއްދުވަސް ހޭދަ ކުރެއްވުމަށްފަހު ގޮޓާބަޔަ ފުރާފައިވަނީ މިއަދު ހެނދުނު 11:30ގައި ސައުދީއެއާލައިންގެ ފްލައިޓަކުންނެވެ. އެއާޕޯޓުުން ގޮޓާބަޔައަށް އަލްވަދާޢު ވިދާޅުވީ އެމަނިކުފާނު ރާއްޖެ ގެނައުމަށްވެސް އެންމެ ބޮޑު އެއްބާރުލުމެއް ދެއްވި ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި، އެމަނިކުފާނަށް ތާއީދު ކުރައްވާ މަޖިލީހުގެ ބައެއް މެމްބަރުންނެވެ.
ގޮޓާބަޔަ ވަޑައިގަންނަވާ ވަގުތާ ދިމާކޮށް ވީއައިއޭގެ ސެކިއުރިޓީ ވަރަށް ބޮޑަށް ވަރުގަދަ ކުރިއެވެ. ސައުދީއެއާލައިން ދަތުރު ކުރަނީ މާލެ އިން މެލޭޝިޔާގެ ކުއަލަލަމްޕޫރަށް އަދި ކުއަލަލަމްޕޫރުން ސައުދީގެ ޖިއްދާ އަށެވެ. މިދަތުރު ހަމަޖެހިފައި އޮތް ގޮތެއް ސާފެއް ނުވިއެވެ. ގޮޓަބަޔާ ވަޑައިގަންނަވަނީ ސިންގަޕޫރަށް ކަމަށާ އެ ގައުމުން އެމަނިކުފާނަށް ހިމާޔަތް އަރުވާފައިވާ ކަމަށްވެސް ރިޕޯޓްތައް ބުނެއެވެ. މެލޭޝިޔާއަށް ވަޑައިގަތުމަށް ފަހު އެ ގައުމުން ސިންގަޕޫރަށް ވަޑައިގަންނަވަނީ ކަމެއް ނުވަތަ މެލޭޝިޔާގައި މަޑުނުކުރައްވާ ސައުދީއަަށް ވަޑައިގަންނަވަނީ ކަމެއްވެސް ޔަގީނެއް ވެފައެއް ނުވެއެވެ.
ސަލާމަތީ ސަބަބުތަކަކަށްޓަކައި ޕްރައިވެޓް ޖެޓެއްގައި ދަތުރުކުރައްވަން ނިންމަވާފައިވާ ކަމަށް ރިޕޯޓްތައް ބުނި ނަމަވެސް އޮފިޝަލް ވިދާޅުވި ގޮތުގައި އެއީ ދަތުރުފުޅުގެ މައުލޫމާތު އޮޅުވާލެއްވުމަށް ގަސްތުގައި ފެތުރި ވާހަކަތަކެކެވެ. އަދި ގޮޓަބަޔާ ފުރުއްވަން މިއަދު ހެނދުނު ޖެޓެއް ވީއައިއޭގައި ޖެއްސި ކަމަށް ބުނާ ހަބަރަކީ ސައްހަ ހަބަރެއް ނޫން ކަމަށެވެ.
