ސްރީ ލަންކާގެ ސިޔާސީ ފަރާތްތަކަށް އެގައުމުގެ ރައީސްކަމަށް ގެންނާނޭ ބޭފުޅަކާމެދު އެއްބަސްވުމަކަށް ނާދެވިއްޖެނަމަ، ދީނީ އިސްފަރާތްތައް އެކުވެގެން އުފައްދާފައިވާ މަދަނީ އިންތިހާދުން އެގައުމުގެ ރައީސްކަމަށް ބޭފުޅަކު ނެރުއްވާނޭކަމުގައި، އެ އިސްތިހާދުން ބުނެފިއެވެ.
ދިނީ ފަރާތްތައް އެކުވެގެން އުފައްދާފައިވާ މަދަނާީ އިއްތިހާދުގެ ފަރާތުން ވާހަކަ ދެއްކެވި ވެން އޯމަލްޕް ސޮބިތާ ވިދާޅުވި ގޮތުގައި ރައީސްކަމަށް ވަޑައިގަންނަވާނޭ ބޭފުޅަކާމެދު ސިޔާސީ ޕާޓީތަކަށް އެއްގަލަކަށް ނޭރިއްގެޖަމަ އެ ގުރޫޕުން މަދަނީ ފަސް ބޭފުޅެއްގެ ނަން ރައީސްކަމަށް ހުށަހަޅުއްވާނޭ ކަމުގައެވެ. އަދި އޭނާވަނީ، ގާނޫނު ހަދާ މަޖިލީހަށް އެ ގުރޫޕުގެ ފަރާތުން ހުށަހަޅާ ގައުމީ ލިސްޓަކުން މި 5 ބޭފުޅުން ހޮވުމުގެ ފުރުސަތު ދިނުމަށްވެސް ގޮވާލައްވާފައެވެ.
ދީނީ ފަރާތްތައް އިސްވެ އުފައްދާފައިވާ މި ގުރޫޕުން ބޭއްވި ނޫސްވެރިންގެ ބައްދަލުވުމެއްގައި ގުރޫޕުގެ ފަރާތުން ވާހަކަ ދައްކަވަމުން ސޮބިތާ ވިދާޅުވެފައި ވާގޮތުގައި، މަދަނީ ޖަމްއިއްޔާތަކުން މިހާރުވަނީ، މިފަދަ މަގާމަކަށް އެކަށީގެންވާ މަދަނީ 5 ފަރާތަކާ މަޝްވަރާ ކޮށްފައި ކަމަށާއި، އެމީހުންނަކީ ގައުމަށް ކުރިމަތިވެފައިވާ ހާލަތު ވަޒަންކުރެވޭ ފަރާތްތައް ކަމަށާއި މިމީހުންގެ ކިބައިގަައި ބައިނަލް އަގުވާމީ މަސްރަހުގެ ތަޖުރިބާވެސް ހުރި ކަމުގައެވެ.
ގުރޫޕުން ބޭއްވި ނޫސްވެރިންގެ ބައްދަލުވުމުގައި ވިދާޅުވެފައިވަނީ މި 5 ބޭފުޅުންގެ ނަން މިވަގުތު ހާމަކުރެވެން ނެތް ކަމުގައެވެ.
"މުސްތަގުބަލްގެ ރައީސް އައްޔަން ކުރެވެންވާނީ ހުރިހާ ޕާޓީތަކުގެ ރުހުން އޮވެގެން، އަދި ގައުމު އިސްކޮށްގެން. އަހަރެމެން އެދެނީ ސިޔާސީ ޚިޔާލުތަފާތުވުންތައް އެއްކައިރިކޮށް، ސިޔާސީ ހުރިހާ ފަރާތްތަކުންވެސް މިކަމުގައި އެކައްޗެއް ކިއުމަށް. އެމީހުންނަށް އެއްގަލަކަށް ނޭރޭނަމަ، މިމަގާމަށް އެކަށީގެންވާ މަދަނީ 5 ބޭފުޅެއްގެ ނަން އަހަރެމެން ހުށަހަޅާނަން،" ސޮބިތާ ވިދާޅުވިއެވެ.
މިގުރޫޕުންވަނީ، ރައީސް ގޮޓަބަޔަ އިސްތިއުފާ ދެއްވުމާއެކު، ރިޔާސީ ގަނޑުވަރު ހިސޯރުކޮށްގެން ތިބި ފަރާތްތަކުން އެތަން ދޫކޮށް ދާންޖެހޭ ކަމަށް ވިދާޅުވެފައެވެ.
ސްރީ ލަންކާގެ އިގްތިސާދީ ހާލަތު ގޯސްވެ، އެގައުމުގައި މިހާރު ކުރިޔަށްދާ މުޒާހިރާތަކާއެކު، ރައީސް ގޮޓަބަޔަ މާދަމާ އިސްތިއުފާ ދެއްވާނޭކަމަށް ވަނީ ވިދާޅުވެފައެވެ. އަދި އިސްތިއުފާ ދެއްވުމުގެ ކުރިން، އޭނާ މިއަދު ސްރީ ލަންކާ ދޫކޮށް ވަޑައިގަތުމަށް އެއަރޕޯޓަށް ވަޑައިގަތުމުން، އެއަރޕޯޓުގައި ތިބި އިމިގްރޭޝަންގެ އޮފިޝަލުންވަނީ އޭނާ ފުރައިގެން ދިޔަނުދީފައެވެ.
