ސްރީ ލަންކާގައި އެތައް ހާސްބަޔަކު، އެގައުމުގެ ރައީސްގެ ރަސްމީ އޮފީހަށާއި، ބޮޑުވަޒީރުގެ ރަސްމީ ގެކޮޅަށް ވަދެގަނެ، އަދި މިހާރުގެ ބޮޑުވަޒީރު ރަނިލްގެ އަމިއްލަފުޅު ގޭގައި ރޯކޮށްފައިވަނިކޮށް، އަދި ރައީސް ގޮޓަބަޔަރ އިސްތިއުފާ ދެއްވާނޭކަން އިކޮށްފައިވަނިކޮށް، އެގައުމުގެ ނޭވީގެ އަސްކަރީ މަނަވެއްގައި ފިއްލަވައިފިކަމަށް ސްރީ ލަންކާގެ ލޯކަލް މީޑިއާތަކުން ރިޕޯޓު ކޮށްފިއެވެ.

ސްރީ ލަންކާގެ އިގްތިސާދީ ހާލަތު ގޯހުންގޯހަށް ގޮސް، ގައުމު ބަގުރޫޓު ވެފައިވަނިކޮ، އިއްޔެ އަނެއްކާވެސް އެގައުމުގައި ވަނީ ބޮޑެތި މުޒާހިރާތައް ވެރިރަށް ކޮލޮމްބޯގައި ކުރިޔަށް ގޮސްފައެވެ. ލޯކަލް މީޑިއާތަކުން ރިޕޯޓު ކޮށްފައިވާ ގޮތުގައި، މުޒާހިރާ ކުރާ ފަރާތްތަކުން ރައީސްގެ ރަސްމީ އޮފީސްކޮޅަށާއި ގެކޮޅަށް ވަދެގެންއިރު، ގޮޓަބަޔަރ އެވަގުތު އޮފީހުގައިވެސް އަދި ގެކޮޅުގައި ދިރިއެއް ނޫޅުއްވައެވެ.

އަދި ސޯޝަލް މީޑިއާގައިވަނީ، ރައީސްގެ ލަގެޖްތައްކަމަށް ބެލެވޭ ފޮށިތަކެއް، ސްރީ ލަންކާގެ ނޭވީގެ މަނަވަރުތަކަށް އަރުވާ ވީޑިއޯތަކެއް އާންމު ވެގެން ގޮސްފައެވެ.

Lmao people actually made the president pack his suitcase and run for his life😂😂
#GoHomeGota #අරගලයටජය #GoHomeRanil pic.twitter.com/gw7Zkr1I5a

— ♡ Sanda ♡ (@TachyonJaneesha) July 9, 2022

މި ވީޑިއޯތަކުން ރައީސް ގޮޓަބަޔަގެ ލަގެޖްތައް ކަމަށް ބެލެވޭ ފޮށިތައް ނޭވީގެ މަނަވަރަށް އަރުވާތަން ފެނިފައިވަނިކޮށް، ބައެއް މީޑިއާތަކުންވަނީ، ރައީސްގެ މޮޓޯކޭޑް ކަމަށް ބެލެވޭ އުޅަދުތަކެއް ސްރީ ލަންކާގެ ބައި އެއަރާޕޯޓުގައި ވަނިކޮށްވެސް ބްރޯޑްކާސްޓް ކޮށްފައެވެ. އެހެންނަމަވެސް ގޮޓަބަޔަ ގައުމު ދޫކޮށް ފިއްލަވާފައި ވާކަމެއް އަދި އެއްވެސް ފަރާތަކުން ޔަގީން ކޮށްދީފައެއް ނުވެއެވެ.

ސްރީ ލަންކާގެ އިގްދިސާދީ ހާލަތު ދަށްވެ، ތެޔޮ ހުސްވުމާއެކު އިއްޔެ ފެށުނު މުޒާހިރާތައް ކޮންޓްރޯލުން ނެއްޓިމާއި ގުޅިގެން، ރައީސް ގޮޓަބަޔަރ ވަނީ މިހަފްތާގެ ބުދަ ދުވަހު އިސްތިއުފާ ދެއްވާނޭކަމަށް ވިދާޅުވެފައެވެ. އަދި އާ ސަރުކާރަކަށް ފުރުސަތު ދިނުމުގެ ގޮތުގައި ފާއިތުވެދިޔަ އެޕްރިމަހު ބޮޑުވަޒީރުކަމަށް ވަޑައިގެންނެވި ރަނިލްވެސް ވަނީ މަގާމުން އިސްތިއުފާ ދެއްވާނޭކަން އިއުލާން ކުރައްވާފައެވެ.