ސުރީ ލަންކާގެ ބޮޑުވަޒީރު ރަނިލް ވިކްރަމަސިންހަ އިސްތިޢުފާދެއްވާނެކަން ހާމަކޮށްފައިވަނިކޮށް، ރައީސް ގޮޓާބަޔާވެސް އިސްތިއުފާ ދެއްވަން ނިންމަވައިފިއެވެ.
ލަންކާގެ ރައީސް އިސްތިއުފާ ދެއްވާނެކަން އަޑުތަކެއް އެރިނަމަވެސް މިހާތަނަށް އެޚަބަރުގެ ސައްހަ ކަމެއް ކަށަވަރު ވެފައިނުވެއެވެ. ނަމަވެސް މީގެ އިރުކޮޅެއް ކުރިން ލަންކާގެ ގާނޫނުހަދާ މަޖިލީހުގެ ރައީސް ވިދާޅުވީ ރައީސް ގޮޓާބަޔަ ރާޖަޕަކްސަ މި މަހުގެ 13 ވަނަ ދުވަހު އިސްތިއުފާ ދެއްވާނެކަން އަންގަވައިފައިވާކަމަށެވެ.
މަޖިލީހުގެ ރައީސް ވިދާޅުވި ގޮތުގައި ގޮޓާބަޔަ އިސްތިއުފާ ދެއްވަން މުއްދަތެއް ކަނޑައެޅުއްވީ ވެރިކަމުގެ ބާރުތައް ހަވާލުކުރުމުގެ މަރުހަލާ ކުރިއަށް ގެންދިއުމަށެވެ. ބޮޓާބަޔަ އިސްތިއުފާ ދެއްވުމުގެ ލަންކާގެ ރައީސަކަށް ބުދަ ދުވަހުން ފެށިގެން 30 ދުވަހުގެ މުއްދަތަކަށް ހުންނަވާނީ މަޖިލީހުގެ ރައީސް މަހިންދަ ޔަޕާ އަބޭވަރްދަނާއެވެ.
President GR has informed Speaker he will resign on July 13. This is because this is a transition period for him to hand over his work. On Wednesday, Speaker will temporarily become the Pres for 30 days during which Parliament will elect a new Pres. #SriLanka #SriLankaCrisis
— Jamila Husain (@Jamz5251) July 9, 2022
ރައީސް ގޮޓާބަޔަ އިސްތިއުފާ ދެއްވާފައި މިވަނީ ސިޔާސީ ބައެއް ލީޑަރުން ވަނީ ގޮޓާބަޔަ، ކުރިއަށް އޮތް 24 ގަޑިއިރު ތެރޭ އިސްތިއުފާ ދެއްވުމަށް މުހުލަތުވެސް ދީފައިވަނިކޮށެވެ.
ސުރީ ލަންކާގެ ރައީސް ގޮތަބަޔާ ރާޖަޕަކްސައާއި ރަނިލްގެ ގެކޮޅަށް ޢާއްމުން ވަދެގަނެ ބޮޑެތި ގެއްލުންތަކެއް ދީފައިވަނިކޮށް ރަނިލް އިސްތިޢުފާދެއްވަން ނިންމަވާފައިވަނީ އެ ޤައުމުގެ ސިޔާސީވެރިންނާ ބައްދަލުކުރެއްވުމަށްފަހުއެވެ. އެ ބައްދަލުކުރެއްވުމުގައި ގުޅިފައިވާ ސަރުކާރެއް އެކުލަވާލުމަށްވެސް މަޝްވަރާކޮށްފައިވެއެވެ.
ސުރީ ލަންކާއަށް ކުރިމަތިވެފައިވާ އިޤްތިޞާދީ ކާރިސާއާ ގުޅިގެން އެ ޤައުމުގެ ސަރުކާރާ ދެކޮޅަށް އަޑުއުފުލުމަށް ވެރިރަށް ކޮލަމްބޯގައި އިތުރު މުޒާހަރާތަކެއް ބޭއްވުމުން އެ ރަށުގައިވަނީ ކާފިޔު އިޢުލާނުކޮށްފައެވެ. ނަމަވެސް ސަލާމަތީ ބާރުތަކުގެ އަމުރަށް ބެލުމެއް ނެތި ރެކޯޑު ޢަދަދެއްގެ ބަޔަކުވަނީ މަގުމައްޗަށް ނުކުމެފައެވެ. އެންމެ ފަހުގެ މުޒާހަރާތަކުގައި ބައިވެރިވެފައިވާ މީހުންގެ ތެރޭގައި ގިނައީ ޔުނިވަރސިޓީތަކުގައި ކިޔަވާ ދަރިވަރުންނެވެ.
