ދުނިޔޭގެ ތެޔޮ އުފައްދާ ގައުމުތަކުގެ މެދުގައި އުފައްދާފައިވާ ޖަމިއްޔާ، އޯޕެކް OPECގެ ސެކެޓްރީ ޖެނެރަލް މުހައްމަދު ބާކިންޑޯ އަވަހާރަ ވެއްޖެކަމަށް، ނައިޖީރިއަން ނޭޝަނަލް ޕެޓްރޯލިއަމް ކޯޕް (NNPC) އިން އަންގާރަ ދުވަހު ވިދާޅު ވެއްޖެއެވެ.
އުމުންރުން 63 އަހަރުގެ ބާކިންޑޯއަކީ ތެލުގެ އިންޑަސްޓްރީގައި ދިގު ޒަމާންތަކެއް ވަންދެން ޚިދުމަތް ކުރައްވާފައިވާ ބޭފުޅެކެވެ. އަދި ދުނިޔޭ ތެޔޮ އުފައްދާ ގައުމުތަކުގެ ޖަމިއްޔާ، އޯގަނިޒޭޝަން އޮފް ޕެޓްރޯލިއަމް އެކްސްޕޯޓިން ކަންޓްރީސް (OPEC)ގެ ސެކެޓްރީ ޖެނެރަލްގެ މަގާމުގައި 6 އަހަރުގެ ދައުރެއް ފުރިހަމަ ކުރެއްވުމަށް އޭނާ މަގާމުން ދުރަށް ޖެހިވަޑައިގަތުމަށް ހަމަޖެހިފައިވަނީ މިމަސް ނިމުމާއެކުއެވެ.
We lost our esteemed Dr Muhammad Sanusi Barkindo. He died at about 11pm yesterday 5th July 2022. Certainly a great loss to his immediate family, the NNPC, our country Nigeria, the OPEC and the global energy community. Burial arrangements will be announced shortly.
— Mele Kyari (@MKKyari) July 6, 2022
ބާކިންޑޯގެ ވަކިވެ ދިއުމަކީ "އޭނާގެ އާއިލާއަށާއި، ނައިޖީރިއަން ނޭޝަނަލް ޕެޓްރޯލިއަމް ކޯޕް (NNPC)ގެ އިތުރުން އޯގަނިޒޭޝަން އޮފް ޕެޓްރޯލިއަމް އެކްސްޕޯޓިން ކަންޓްރީސް (OPEC)އަށްވެސް ލިބުނު ފޫ ނުބެއްދޭވަރުގެ ގެއްލުމެއް،" NNPCގެ ސީއީއޯ މެލޭ ކިޔާރި ކުރެއްވި ޓުވީޓުގައި ވިދާޅުވެފައި ވެއެވެ.
ކިޔާރި ވިދާޅުވި ގޮތުގައި ބާކިންޑޯ އަވަހާރަ ވެފައިވަނީ، އޭނާ ނައިޖިރިއާގެ ރައީސް މުހައްމަދު ބުހާރީއާއި ބައްދަލު ބައްދަލު ކުރެެއްވުމަށްފަހު، އަބޫޖާގައި އޮތް އެނާރޖީ ސަމިޓްގައި ތަގުރީރު ކުރެއްވިތާ މަދު ގަޑިއިރެއްގެ ތެރޭގައި ކަމުގައެވެ.
OPEC Secretary General, HE Mohammad Sanusi Barkindo, passed away yesterday in his home country Nigeria. He was the much-loved leader of the OPEC Secretariat and his passing is a profound loss to the entire OPEC Family, the oil industry and the international community. pic.twitter.com/xYDQvhG0n2
— OPEC (@OPECSecretariat) July 6, 2022
ކޮމެންޓު ފޮނުވާ