ސްރީ ލަންކާގައި ތެޔޮ ލިބުން ދަތިވެ، ހޮސްޕިޓަލްތަކުގައި ކުރަމުންދާ އޮޕަރޭޝަންތައް ހުއްޓާލަން ޖެހިދާނެކަމުގެ އިންޒާރު އެގައުމުގެ ހެލްތި ވޯކަރުން ދީފިއެވެ.
ސްރީ ލަންކާގެ ލޭޑި ރިޖްވޭ ހޮސްޕިޓަލުގެ ޑެޕިއުޓީ ޑިރެކްޓަރ ޖެނެރަލް އޮފް ހެލްތު ސާވިސް އެންޑް ޑިރެކްޓަރ ޑރ. ޖީ. ވިޖެސޫރިއާ ވިާޅުވި ގޮތުގައި ޕަބްލިކް ޓްރާންސްޕޯޓު ޚިދުމަތުގެ ބޭނުން ކޮށްގެންވެސް މަސައްކަތު ނުކުރުމަށް އެގައުމުގެ ސިއްޙީ މަސައްކަތްތެރިން ތިބީ ތައްޔާރަށް ކަމުގައެވެ.
އެނާ ވިދާޅުވި ގޮތުގައި، އެހެންނަމަވެސް، ހޮސްޕިޓަލުން ފޯރުކޮށްދޭ ޚިދުމަތްތަކަށް މެދުކެނޑުމެއް ނައިސް ޚިދުމަތްތައް ފޯރު ކޮށްދިނުމަށްޓަކާ މިހާރު ކުރިމަތިވެފައިވާ ތެލުގެ ކާރިސާއަށް ނިމުން އައިސް، ވަކީން ޚާއްސަކޮށް ބަބްލިކް ޓްރާންސްޕޯޓު ސިސްޓަމަށް ކުރިމަތުވެފައިވާ މައްސަލަތައް ހައްލުވާން ޖެހޭ ކަމުގައެވެ.
އޭނާ ވިދާޅުވި ގޮތުގައި، އެކަށީގެންވާ މިންވަރަކަށް ބަހުގެ ޚިދުމަތައް ދިނުމަށް މިނިސްޓްރީ އޮފް ޓްރާންސްޕޯޓުގައި މިހާރު ވަދީ އެދިފައެވެ.
ސްރީ ލަންކާއަށް ކުރިމަތި ވެފައިވާ އިގްތިސާދީ ކާރިސާއަށް ހައްލު ނުހޯދި، ހާލަތު ގޯހުން ގޯހަށް ދަތުރުކޮށް، ގައުމުގެ ބޭރު ފައިސާގެ ރިޒާވް ނުރައްކާތެރި މިންވަރަކަށް ދަށަށްގޮސް، ދައުލަތުގެ މުވައްޒަފުންނަށް މުސާރަ ދިނުމަށްޓަކާ ފައިސާ ޗާޕުކުރަން މަޖުބޫރުވެ، ތަކެއްޗާއި އާންމު ޚިދުމަތުގެ އަގު އިންތިހާއަށް މަތިވެ، ގައުމަށް އެތެރެ ކުރަންޖެހޭ އަސާސީ ކާބޯތަކެއްޗާއި، ތެލާއި ބޭހަށް ފައިސާ ދެއްކޭނެ ގޮތެއްނެތި، އެގައުމުވަނީ ބަގުރޫޓު ވުމާއި ކައިރި ވެފައެވެ.
ސްރީ ލަންކާއަށް ކުރިމަތިވެފައިވާ އިގްތިސާދީ ކާރިސާއަކީ، 1948ވަނަ އަހަރު އެގައުމަށް މިނިވަަންކަން ލިބުނުފަހުން އެގައުމު ވެއްޓިފައިވަ އިގްތިސާދީ އެންމެ ބޮޑު ވަޅުގަޑެވެ.
