ރައީސް ސާލިހު މިއަދު މަސްޖިދުއް ނަބަވީއަށް ޒިޔާރަތް ކުރައްވައިފިއެވެ.
ރައީސް އޮފީހުން ކޮށްފައިވާ ޓުވީޓެއްގައި ވިދާޅުވެފައިވަނީ، ރައީސް ސާލިހު މިއަދު މަދީނާއަށް ވަޑައިގެން، މުސްލިމުންގެ ދަވަނައަށް އެންމެ ހުރުމަތްތެރި ބިނާ ކަމުގައިވާ މަސްޖިދުއް ނަބަވީއަށް ޒިޔާރަތް ކުރައްވާފައި ވާކަމުގައެވެ.
ދެ ހަރަމްފުޅުގެ ކަންކަން ބަލަހައްޓަވާ ހަރަމައިނި ޝަރީފައިނިން މިއަދު ބުނެފައިވަނީ، ރައީސް ސާލިހު މަސްޖިދު އައްނަބަވީއަށް ޒިޔާރަތް ކުރައްވާފައިވަނީ ރަސޫލާގެ މިސްކިތުގެ އެސިސްޓެންޓް ޖެނެރަލް ޕްރެޒިޑެންޓް ފޯރ ދަ އެފައރޒް އާއެކީގައި ކަމުގައެވެ.
މަސްޖިދު އަންނަބަވީއަށް ޒިޔާރަތް ކުރައްވާ ރައީސް ސާލިހު މިއަދުވަނީ މިސްކިތުގައި ނަމާދު ކުރައްވާފައެވެ.
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހްއާއި އަނބިކަނބަލުން ފަޒްނާ އަޙްމަދު މިއަހަރުގެ ޙައްޖުގެ އަޅުކަން އަދާކުރެއްވުމަށް ފުރާވަޑައިގެންފައިވަނި މިއަދުގެ ހެނދުނުގެ ވަގުތެއްގައެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ ދެ ކަނބަލުން ހައްޖަށް ވަޑައިގަންނަވަނީ އަމިއްލަފުޅު ދަތުރެއްގައި ކަމަށެވެ. ނަމަވެސް ދަތުރުފުޅާއި ގުޅޭ އިތުރު ތަފްސީލެއް ރައީސް އޮފީހުން ހާމައެއް ނުކުރައްވައެވެ. މައުލޫމާތު ލިބިފައިވާ ގޮތުގައި ރައީސް ސާލިހު ހައްޖަށް ވަޑައިގަންނަވަނީ ރާއްޖެއަށް ލިބުނު ކޯޓާގެ ތެރޭގައެއް ނޫނެވެ.
ޙައްޖުގެ އަޅުކަން އަދާކުރެއްވުމަށް ރައީސުލްޖުމްހޫރިއްޔާ މާދަމާ ފުރާވަޑައިގަންނަވާއިރު މިއަހަރުގެ އަމީރުލް ހައްޖު އިސްލާމިކް މިނިސްޓަރ މިހާރު ވަނީ ޙައްޖަށް ފުރާވަޑައިގެންފައެވެ.
ހައްޖުގެ އަޅުކަން އަދާކުރުމަށް މިއަހަރު ރާއްޖެއަށް ލިބިފައިވަނީ 453 ޖާގައެވެ. އަދި ރާއްޖޭގެ ހުރިހާ ޙައްޖުވެރިންވެސް ޙައްޖުގެ އަޅުކަން އަދާ ކުރުމަށް މިހާރު ވަނީ މައްކާއަށް ގޮސްފައެވެ. ރައްޖޭގެ ޙައްޖު މިޝަނުން މަޢުލޫމާތު ދެއްވާ ގޮތުގައި ހުރިހާ ޙައްޖުވެރިންގެ ހާލުވެސް ރަނގަޅެވެ.
މިއަހަރުގެ ހައްޖު ދުވަހަކީ އަންނަ ހުކުރު ދުވަހެވެ.
ކޮމެންޓު ފޮނުވާ