މާލޭގައި ދުއްވާފައި ދިޔަ ސައިކަލެއްގައި ގަސްދުގައި ޕިކަޕަކުން ޖެއްސި މައްސަލައެއްގައި ހައްޔަރުކުރި މީހާގެ ބަންދަށް ކޯޓުން 5 ދުވަސް ޖަހައިދީފިއެވެ.
މި ނުރައްކާތެރި މައްސަލައާ ގުޅިގެން ފުލުހުން މިދިޔަ ބުދަ ދުވަހު ހައްޔަރުކޮށްފައިވަނީ އުމުރުން 60 އަހަރުގެ ދިވެހި ފިރިހެނެކެވެ. އޭނާގެ ބަންދާމެދު ގޮތެއް ނިންމުމަށް އިއްޔެ ކޯޓަށް ހާޒިރުކުރުމުން، ތަޙުޤީޤު ކުރިއަށްގެންދިއުމަށްޓަކައި ކޯޓުން ވަނީ އޭނާ ފަސް ދުވަހަށް ބަންދުކުރުމަށް އަމުރުކޮށްފައެވެ.
ކޯޓުގެ ބަންދު އަމުރުގައި ބަޔާންކޮށްފައިވާ ގޮތުން، އެ މީހާ ވަނީ އޭނާ ދުއްވަމުން ދިޔަ ޕިކަޕް ކުއްލިއަކަށް ސައިކަލް ލޭނާ ދިމާލަށް އަނބުރާލައި، ސައިކަލެއްގައި ގަސްތުގައި ޖައްސާފައެވެ. ފުލުހުންނާ ހަވާލާދީ ކޯޓު އަމުރުގައި ބުނެފައިވާ ގޮތުގައި މި ހާދިސާގެ ސަބަބުން ސައިކަލު ދުއްވަން އިން މީހާއަށް ވަނީ އަނިޔާވެފައެވެ. މި މައްސަލައިގައި ޕިކަޕް ދުއްވި މީހާގެ މައްޗަށް ފުލުހުން ކުރަނީ ނުރައްކާތެރިކޮށް އެއްގަމު އުޅަނދު ދުއްވައިގެން އެކްސިޑެންޓްވުމުގެ ތުހުމަތެވެ.
ކޮމެންޓު ފޮނުވާ