80ގެ އަހަރު ތަކުގައި ބޮލީވުޑްގެ ސިނަމާތަކުގައި ރަސްކަންކުރި 4 އެކްޝަން އެކްޓަރުންނާއި އެކުގައި ފިލްމެއް އިއުލާން ކޮށްފިއެވެ.
އެގޮތުން މިހާރު ފިލްމު އިއުލާން ކޮށް މި ފިލްމަށް ވަނީ ނަންވެސް ދީފައިއެވެ. ފިލްމަށް ކިޔަނީ "ބާޕް"އެވެ.
ފިލްމުގައި އެދުވަސްވަރުގެ ތަޅާލުން ގަނޑުތަކާއި އޭރުގެ ރަހަތައް ބަރަށް ބޮޑަށް ހުންނާނެ ކަމަށް ލަފާކުރެވެއެވެ. ފިލްމް ގެ ލީޑުން ފެނިގެން ދާނީ ޖެކީ ޝްރޮފް، މިތުން، ސަނީ ޑިއޯލްގެ އިތުރުން ސަންޖޭ ދަތެވެ.
އަޙްމަދު ޚާނާއި ޒީ ސްޓޫޑިއޯސް ގުޅިގެން ޕްރޮޑިއުސްކުރާ މި ފިލްމު ޑައިރެކްޓްކުރާނީ ވިވޭކް ޗޯހާންއެވެ.
މި ފިލްމުގެ މަސައްކަތް މިމަހުގެ 14 ވަނަ ދުވަހު މުމްބާއީގައި ވަނީ ފަށާފައެވެ. ފިލްމު ރިލީޒް ކުރަން އަންނަ އަހަރަށް ކަނޑައަޅާފައި އޮތް ނަމަވެސް ތާރިހް އަދި އިއުލާނެއް ނުކުރެއެވެ.
