ގެވެށި އަނިޔާގެ ޝިކާރައަކަށް ވެފައިވާ ދެމައިންނަށް ބޮލިވުޑްގެ މަޝްހޫރު އެކްޓަރު ވަރުން ދަވަން އެހީވުމަށް ނިންމައިފިއެވެ.
ގެވެށި އަނިޔާ ލިބެމުން ދާކަމަށް ބުނާ ކުއްޖާ އަކީ ވަރުންގެ ފޭން ޕޭޖު ހިންގަމުން އަންނަ ކުއްޖެކެވެ. ސޯޝާލް މީޑިއާގައި ވަރުން ޓެގްކޮށް އެ އަންހެން ކުއްޖާ ބުނެފައިވަނީ އެކުއްޖާ އަށާއި އެކުއްޖާގެ މަންމައަށް ބައްޕަގެ ފަރާތުން ގެވެށި އަނިޔާ ލިބެމުން އަންނަ ކަމަށެވެ. އަދި އެހީތެރިވެ ދިނުމަށް ވަނީ އެދިފައެވެ.
އެކުއްޖާގެ މެސެޖުތަކުގައި މިއީ ބައްޕަގެ ފަރާތުން ލިބޭ އަނިޔާކަމަށް ބުނެފައިވެއެވެ. ކާން ނުދިނުމާއި އައުގުރާނަ ގޮވުން އާންމުވެފައިވާ ކަމަށާއި އަދި ބައްޕަ އެހެން އަންހެނުންނާއި ގުޅުން ބާއްވާ ކަމަށް ވެސް އެކުއްޖާ ބުނެފައިވެއެވެ.
ބައްޕައަކީ ރަލަށް ދެވިހިފާފައިވާ މީހެއް ކަމަށާއި ބައްޕަގެ އަނިޔާއާއި ކޮންމެ ދުވަހަކު ކުރިމަތިލާން ޖެހޭކަމަށް އޭނާ ވަނީ ބުނެފައެވެ.
ފުލުހުންނަށް ބައްޕަގެ ރިޕޯޓް ހުށައެޅުމުން އެދެވޭ ޖަވާބެއް ފުލުހުންގެ ފަރާތުން ނުލިބޭ ކަމަށާއި، ފުލުހުންގެ ފަރާތުން އެހީތެރިކަން ލިބޭނެ ކަމުގެ އުއްމީދު ގެއްލިފައިވާކަމަށް ވެސް ބުނެފައިވެއެވެ.
އެ މެސެޖު ވަރުންއަށް ފެނުމުން އޭނާ ވަނީ އެމައްސަލައަކީ ވަރަށް ސީރިއަސް މައްސަލައެއް ކަމަށް ބުނެފައެވެ. އަދި ހަމަ އެހެންމެ އެއީ ތެދުކަމުގައިވާނަމަ ކަމާގުޅޭ ފަރާތްތަކަށް އެމައްސަލަ ހުށައަޅައިގެން ހައްލެއް ހޯދައިދޭނެކަމަށް ވަނީ ބުނެފައެވެ.
This an extremely serious matter and if this is true I will help will u and speak to the authorities. https://t.co/IaIOEMFk8u
— VarunKukooDhawan (@Varun_dvn) June 6, 2022
ވަރުން މިވަގުތު ހުރީ ޑައިރެކްޓަރ ނިތޭޝް ތިވާރީގެ ފިލްމު "ބަވާލް"ގެ ޝޫޓިންގައި ފްރާންސްގައެވެ.
