ޒުވާނުންގެ ބައިވެރިވުމާއެކު އިދިކޮކޮޅުގެ މެނިފެސްޓޯ އެކުލަވާލުމުގެ މަސައްކަތް ފަށާފައިވާކަމަށް އިދިކޮޅު ލީޑަރު އަދި ޕީޕީއެމްގެ ރައީސް ޔާމީން ވިދާޅުވެއްޖެއެވެ.
ރޭ ޕީޕީއެމް ޕީއެންސީން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރީތި ނަންކިޔައިގެން ކޮންމެ ބަޔަކަށްވެސް މެނިފެސްޓޯ އެކުލަވާލެވިދާނެކަމަށެވެ. ނަމަވެސް އިޚްލާސްތެރިކަން އޮތީ ކޮންބައެއްގެތޯ ބަލަންޖެހޭކަމަށްވެސް ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ އެޕާޓީގެ އއެޕާޓިގެ މެނިފެސްޓޯ އެކުލަވާލުމުގެ މަސައްކަތް ފަށާފައިވާކަމަށް، އެ މަސައްކަތްކުރަނީ ޒުވާނުންގެ ކަންބޮޑުތަކަށް ހައްލު ހޯދައިދެވޭގޮތަށްކަމަށެވެ. އެގޮތުން އެޕާޓީން މިހާރު މަސައްކަތްކުރަނީ ޒުވާނުންގެ ހުރި މައްސަލަތައް ދެނެގަތުމަށްޓަކައިކަމަށާއި، ތައްޔާރުކުރަނީ ޒުވާނުންގެ މެނިފެސްޓޯއެއްކަމަށެވެ.
އެ ރަށްރަށުގެ ޒުވާނުން އައިސް ބުނަންވީ ތިމަންނަމެންނަށް ދިމާވެފައިހުރި އެންމެ ބޮޑެތި ފަސް މައްސަލައަކީ މިއީއޭ. އިރާދަކުރެއްވިއްޔާ ޕީޕީއެމްގެ ސަރުކާރެއްގެ މެނިފެސްޓޯގެ ސޮފްހާ ނަންބަރު އެކެއްގައި އޮންނާނީ ޒުވާނުން. އެހެންވީމަ ޒުވާނުންނަށް އަބަދުވެސް މި ޕާޓީން ޖާގަ އޮންނާނެ..
– ރައީސް ޔާމީން ވިދާޅުވިއެވެ.
އެމަނިކުފާނުގެ ވާހަކަފުޅުގައި ސަރުކާރު ހިންގ ާޕާޓީއަށް ނުސީދާކޮށް އިޝާރާތްކުރައްވާ ވަނީ ނޫ އިގްތިސާދު ނިމިގެންދިޔައީ ކަޅު އިގްތިސާދަށް ބަދަލުވާކަމަށް ވިދާލުވެ ފާޑުވިދާލޫވެފައެވެ. ނޫ އިޤްތިޞާދަކީ މ ިސަރުކާރު އައުމަށް ހެދި މެނިފެސްޓޯގެ މުހިންމު ބައެކެވެ. ރައީސް ޔާމީން ވިދާޅުވީ އެކަހަލަ ވަރަށް ރީތި ނަންނަން އެމްޑީޕީން ކިޔާނެކަމަށާއި، ނަމަވެސް އެއިން އެއްވެސް ބަޔަކު ތައްޔާރުކުރާ މެނިފެސްޓޯއަކީ އ އިން ޔ އަށް ރާއްޖޭގެ ވެއްޓަށް ފެތޭ ސަގާފަތާ ތިމާގެ ދީނާ ގުޅުންހުރި، ދީނަށް ހިމާޔަތް ދޭކަހަލަ މެނިފެސްޓޯއެއް ނޫންކަމަށެވެ.
