އިދިކޮޅު ޕީޕީއެމްއާއި އަލަށް ގުޅުނު 500 މެމްބަރުންގެ ފޯމުގެ އިލެކްޝަންސް ކޮމިޝަނަށް ހުށަހަޅައިފިއެވެ.
ޕީޕީއެމްގެ ފަރާތުން ފޯމުތައް އިލެކްޝަންސް ކޮމިޝަނާއި ހަވާލު ކުރެއްވީ ހަމްދާނެވެ. އިލެކްޝަންސް ކޮމިޝަންގެ ފަރާތުން ފޯމުތަކާއި ހަވާލުވީ އިލެކްޝަންސް ކޮމިޝަންގެ ސެކެޓްރީ ޖެނެރަލް ހަސަން ޒަކަރިއްޔާއެވެ. ޕީޕީއެމްއަށް މިފަހުން ގިނަ އަދަދެއްގެ ބަޔަކު ވަނީ ސޮއިކޮށްފައެވެ.
އެޕާޓީން އިލެކްޝަންސް ކޮމިޝަނަށް ފޯމުތައް ހުށަހަޅަނީ ޕާޓީން ބަލަންޖެހޭ ކަންކަން ބަލައި، ފޯމުތަކުގެ ސައްޚަކަން ކަށަވަރު ކުރުމަށްފަހުއެވެ. ޕީޕީއެމްއިން ވަނީ އެޕާޓީގެ މެމްބަރުންނަށް ނޭގި ޕާޓީ ބަދަލު ކުރާ މައްސަލަ އިލެކްޝަން ކޮމިޝަނަށް އެކި ފަހަރު މަތީން ހުށަހަޅާފައެވެ.
ޕީޕީއެމާ އަލަށް ގުޅިވަޑައިގެންނެވި މެމްބަރުންގެ ތެރެއިން 500 މެމްބަރޝިޕް ފޯމް މިއަދު އިލެކްަޝަންްސް ކޮމިޝަނަށް ހުށައެޅުން #MavesPPM pic.twitter.com/P9fiC9GUFH
— Progressive Party of Maldives (@ProgressPartyMV) May 31, 2022
ސިޔާސީ ޕާޓީތަކަށް މެންބަރުންގެ ގޮތުގައި ވަންނަން ހުށަހަޅާ މީހުންގެ ނަންތައް އިލެކްޝަންސް ކޮމިޝަނުން ވަނީ އާންމު ކުރަން ފަށާފައެވެ. އެކޮމިޝަނުން މިގޮތަށް ނިންމާފައި މިވަނީ ފަހަކަށްއައިސް ސިޔާސީ ޕާޓީތަކަށް ވަންނަން ހުށަހަޅާ މީހުންގެ ފޯމް އޮޅުވާލައި އޭނާ ވަންނަން ހުށަހެޅި ޕާޓީ ނޫން އެހެން ޕާޓީތަކަށް ބަދަލުކުރާ ކަމުގެ ތުހުމަތު ބައްފަރާތްތަކުން ކޮށްފައިވަނިކޮށެވެ.
ޕާޓީތަކުން މީހުން ބަދަލު ކުރާ މައްސަލަ ބޮޑު ވެފައިވާއިރު، ރައްޔިތުންގެ މަޖިލީހުގެ ވައިކަރަދޫ ދާއިރާގެ އެމްޑީޕީ މެމްބަރު ވަނީ ހުސެއިން ޒިޔާދު ވަނީ އެމްއެންޕީގެ ރަޖިއްޓްރީގައި ހިމަނާފައެވެ. މިމައްސަލަ އެމްޑީޕީން މިހާރު ވަނީ ކަމާއި ގުޅުންހުރި އިދާރާތަކަށް ހުށަހަޅާފައެވެ. މީގެ އިތުރުން ހައްޖަށް ދިއުމަށް ހުށަހަޅާ އައިޑީ ކާޑުތައް ބޭނުންކޮށްގެން އަދާލަތު ޕާޓީއަށް މީހުން ވައްދާ މައްސަލަވެސް ވަނީ ބޮޑުވެފައެވެ.
