އެމްޑީޕީގެ ޗެއަރޕާސަން ހޮވުމަށް ބޭއްވި އިންތިޚާބު އިކޮނޮމިކް މިނިސްޓަރ ފައްޔާޟް އިސްމާޢީލް ކާމިޔާބުކުރެއްވުމާއި ގުޅިގެން އެމްޑީޕީ އޮފީހުގައި ކޭކު ފަޅައި އުފާފާޅުކޮށްފިއެވެ.
އެމްޑީޕީ އޮފީހުގައި ބޭއްވި ކޭކުފެޅުމުގައި އެމްޑީޕީގެ ރައީސް މުޙައްމަދު ނަޝީދާއި، ޗެއަރޕާސަންގެ ނާއިބު (އިދާރީ) ހުޅުމާލެ ދާއިރާގެ މެންބަރު ޢަލީ ނިޔާޒާއި އެމްޑީޕީ ސެކްރެޓޭރިއަޓުގެ އިދާރީ މުވައްޒަފުންވެސް ބައިވެރިވެވަޑައިގެންނެވިއެވެ.
މީ ނަޝީދު ވިދާޅުވާ ހަކުޅި ކުރިއައް ކުޅުމަކީ.
އަޅުގަނޑަށް ހީވެފައޮތީ @faya_i ފުރަތަމަވެސް ރަސްމީ ޙައިސިއްޔަތުން ޕާޓީ މެމްބަރުންނަށް ފެންނާނީ ރ ސޯލިހު އާއެކީކަމަށް
ދިވެހިންކިޔާއުޅޭނެ ދެރަސޮޑާދެރަ ވާނެޔޭ ލަންޑަނުން ގެނަޔަސް pic.twitter.com/7wvKiKL4UE— Moosa Maniku (Reeko) (@ReekoMoosa) May 16, 2022
ފައްޔާޒް އިންތިޚާބުކާމިޔާބުކުރުމާއި ގުޅިގެން ރައީސް ނަޝީދު ވިދާޅުވެފައިވަނީ ފައްޔާޒާއެކު އެމްޑީޕީއަށް އިތުރު ކާމިޔާބީތައް ލިބޭނެކަމާމެދު ޝައްކު ނުކުރައްވާކަމަށެވެ. ޗެއަރޕާސަންގެ އިންތިހާބު އިކޮނޮމިކް މިނިސްޓަރ ފައްޔާޟް އިސްމާއިލް ކާމިޔާބުކުރެއްވުމާއި ގުޅިގެން އެމަނިކުފާނަށް މަރުހަބާ ވިދާޅުވެ ކުރެއްވި ޓްވީޓެގައި ނަޝީދު ވިދާޅުވީ ފައްޔާޟްގެ ޗެއަރޕާސަންކަމުގައި އެމްޑީޕީއަށް އިތުރު ކާމިޔާބީތައް ހޯދާނެކަމާމެދު އެމަނިކުފާނުގެ ހިތުގައި ޝައްކެއް ނެތްކަމަށެވެ.
ރައީސް ނަޝީދުގެ ޓްވީޓާއި ގުޅިގެން ފައްޔާޟް ވަނީ އެމަނިކުފާނަށް ޝުކުރު ދަންނަވާފައެވެ. އަދި ރައީސް ނަޝީދުގެ އެހީތެރިކަމާއި އިރުޝާދާއެކު އެމްޑީޕީން ދާނީ ރާއްޖޭގައި ޑިމޮކްރަސީ ކުރިއަރުވައި، ޤައުމު ތަރައްޤީކުރުމައިގެން ކުރިއަށްކަމަށްވެސް ފައްޔާޟް ވިދާޅުވިއެވެ.
ވާދަވެރި އިންތިހާބަކަށްފަހު އެމްޑީޕީގެ ޗެއަރޕާސަން އިންތިހާބުކުރެއްވުމާއި ގުޅިގެން ރާއްޖޭގެ ސިޔާސީ ދާއިރާގައި ހަރަކާތްތެރިވާ ބޭފުޅުންނާއި ދައުލަތުގެ އިސް މަޤާމުތަކުގައި ތިއްބެވި ބޭފުޅުން ގެންދަވަނީ މިނިސްޓަރ ފައްޔާޟަށް މަރުހަބާ ދަންނަވަމުންނެވެ.
ފައްޔާޟަށް ރައީސް ނަޝިދު މަރުހަބާ ވިދާޅުވިނަމަވެސް ރައީސް ނަޝިދު މީގެ ކުރިން ފާޅުގައި ވަނީ ފައްޔާޒަށް ފާޑުވިދާޅުވެފައެވެ.
