ގައުމީ ފުޓްބޯޅަ ޓީމުގެ ކުރީގެ ޑިފެންޑަރ އަދި ފުޓުބޯޅަ ކޯޗު ސޮބާހް މުޙައްމަދު އިދިކޮޅު ޕީޕީއެމަށް ސޮއިކޮށްފިއެވެ.

2008 ވަނަ އަހަރުގެ ސާފް ޗެމްޕިއަންޝިޕްގެ ތަށި ރާއްޖެއަށް ހޯދައިދިން ގައުމީ ޓީމުގެ ކުޅުންތެރިޔާ ސޮބާހް ޕީޕީއެމަށް ސޮއިކޮށް އޭނާގެ ފޯމް ރޭވަނީ ވަނީ ޕީޕީއެމްގެ ރައީސް އަބްދުﷲ ޔާމީނާ ހަވާލުކުރައްވާފައެވެ.

މީގެ އިތުރުން އައްޑޫ ސިޓީގެ ހުޅުމީދޫގައި އެމްޑީޕީގެ ހަރަކާތްތައް ހިންގުމުގައި އިސް ދައުރެއް އަދާކޮށްފައިވާ އަލީ ޝަހީމް، ސ. މީދޫ، އަރިވަރު، ވެސް ރޭ ވަނީ ޕީޕީއެމަށް ސޮއިކޮށްފައެވެ.

ޕީޕީއެމްގެ މެންބަރުން އިތުރުކޮށް އެ ޕާޓީ ވަރުގަދަކުރުމަށް ކުރިއަށް ގެންދާ ހަރަކާތުގައި ގިނަބަޔަކު އަންނަނީ އެ ޕާޓީއާ ގުޅެމުންނެވެ. މީގެތެރޭގައި އެހެން ޕާޓީތަކުގައި އިސްކޮށް ހަރަކާތްތެރިވި ފަރާތްތަކާއި އެކި ދާއިރާތަކުން ފާހަގަކޮށްލެވޭ ފަރާތްތައްވެސް ހިމެނެއެވެ.

އިލެކްޝަންސް ކޮމިޝަންގެ ހިސާބުތައް ދައްކާގޮތުން ރާއްޖޭގައި ދެވަނައަށް އޮތް އެންމެ ބޮޑު ސިޔާސީ ޕާޓީ، ޕީޕީއެމްގައި މިވަގުތު ތިބީ 34،368 މެންބަރުންނެވެ.