އިންޑިއާގެ މުސްލިމުންގެ ދިފާޢުގައި އިދިކޮޅު ޕީޕީއެމް/ޕީއެންސީ އިން ބޮޑު ހަރަކާތެއް ހިންގަން ނިންމައިފިއެވެ.
ޕީއެންސީގެ ރައީސް ޢަބްދުއްރަޙީމް ޢަބްދުﷲ ވިދާޅުވީ، އަވަށްޓެރި އިންޑިޔާގެ މުސްލިމް އަޚުންނާއި އުޚުތުންގެ ޙައްގުގައި އަޑު އުފުލުމުގެ ޙަރަކާތަކަށް ނުކުންނަން ތައްޔާރުވަމުން އަންނަކަަމށެވެ.
އަވަށްޓެރި އިންޑިޔާގެ ލޮބުވެތި މުސްލިމް އަޚުންނާއި އުޚުތުންގެ ޙައްގުގައި އަޑު އުފުލުމުގެ ޙަރަކާތަކަށް ނުކުންނަން ތައްޔާރުވަނީ!!!
— Abdul Raheem Abdulla (@Banafsaa) May 15, 2022
އިދިކޮޅުން އަންނަނީ އިންޑިއާ އައުޓްގެ ނަމުގައިވެސް ގަރަކާތެއް ހިންގަމުންނެވެ. ނަމަވެސް ރައީސްގެ ރިޔާސީ ޤަރާރަކުން އެ ހަރަކާތް ވަނީ ހުއްޓުވާފައެވެ. އެހެންނަމަވެސް އެކި ތަންތަނުގައި އިންޑިއާ އައުޓް ބެނާތައް ހަރުކުރުން އިދިކޮޅުން ކުރިއަށް ގެންދެއެވެ.
ޕީޕީއެމް އިން ބުނީ، އިންޑިއާގެ މުސްލިމުންގެ ދިފަޢުގައި ހިންގަން ރާވާ ހަރަކާތަކީ އިންޑިއާ އައުޓާއި ގުޅުންހުރި ކަމެއްނޫންކަމަށެވެ. މިހާރު ކުރިއަށްދަނީ އެ ހަރަކާތާއި ގުޅޭ މަޝްވަރާތައްކަމަށް ޕީޕީއެމް އިން ބުންޏެވެ.
އިންޑިއާގެ މުސްލިމުންނަށް ކުރާ އަނިޔާއާއި ދެކޮޅަށް އިދިކޮޅުން ހަރަކާތެއް ހިންގުމަށް މަސައްކަތް ފަށާފައިވާއިރު، އިންޑިއާގައި އަންނަނީ މުސްލިމުންނާއި ދެކޮޅަށް ހަރުކަށި ހިންދޫން ލާއިންސާނީ އެތައް ކަމެއް ކުރަމުންނެވެ. އެގޮތުން ބުރުގާ އަޅާ އަންހެންކުދިން ކޮލެޖު ޔުނިވާސިޓީތަކަށް ނުވެއްދުން ހިމެނެއެވެ.
އިންޑިއާގެ ހަރުކަށި ހިންދޫ ޖަމާއަތަކުން، ހަތިޔާރާއި އެކު ޒުވާނުން ތަމްރީންކުރުންވެސް ވަނީ ފަށާފައެވެ. އެއީ މުސްލިމުންނާއި ދެކޮޅަށް އެމީހުން ބޭނުންކުރުމަށްކަމަށް މީޑިއާ ރިޕޯޓްތައް ބުނެއެވެ.
