އިއްޔެ ނިމިގެންދިޔަ އެމްޑީޕީގެ ޗެއަރޕާސަން އިންތިޚާބު އިކޮނޮމިކް މިނިސްޓަރ ފައްޔާޟް އިސްމާޢީލް ކާމިޔާބުކުރިކަން ކަށަވަރުވީނަމަވެސް މި އިންތިޚާބުގައި ފައްޔާޟާއި ވާދަކުރެއްވި އިމްތިޔާޒް ފަހުމީ މިހާތަނަށް އެއްވެސް އެއްޗެއް ވިދާޅުނުވުމުން ބަލި ޤަބޫލު ކުރެއްވީކަމާމެދު ބައެއް ފަރާތްތަކުން ސުވާލު އުފައްދައިފިއެވެ.
ވާދަވެރި ކެމްޕެއިނަކާއި ހޫނު ބަހުގެ ހަމަލާތަކަށްފަހު ނަތީޖާއިން ފެނުނީ ފައްޔާޟް އިންތިޚަބުގެ 58% ކާމިޔާބުކޮށްފައިވާކަމެވެ. އިއްޔެގެ އިންތިޚާބު ފެށުނީއްސުރެ އިންތިޚާބު ނިމުމާއި ހަމައަށްވެސް އިންތިގެ ކެމްޕެއިން ޓީމުން އޮތީ ޝަކުވާގެ "ގޯންޏެއް" ބަންޑުން ޖަހާލާފައެވެ. އިންތިގެ ކެމްޕެއިން ޓީމުން އުނގޫފާރު ދާއިރާގެ މެންބަރު މުޙައްމަދު ވަޙީދު ވަނީ ފުލްފުލްގައި ޓްވީޓްތައް ކުރައްވާ ސޯޝަލް މީޑިއާ ޝަކުވާތަކުން ފުރާލާފައެވެ.
އެކަކަށް ގިނަ ފަހަރު ވޯޓު ލުމުގެ ފުރުސަތު ލިބިދެވޭގޮތަށް އިނގިލީގައި މާކަރުން ފާހަގަ ނުޖަހާކަމުގެ ޝަކުވާ ގިނަ އަދަދަކަށް އަންނަނީ ލިބެމުން. މިއީ ޕާޓީން ނެރެފައިވާ އުސޫލާ ކަނޑައެޅިގެން ަޚިލާފުކަމެއް. @MDPSecretariat @anasabdulsattar @ali_niya pic.twitter.com/hfiL2xG0dG
— Waddey (@waddey_) May 14, 2022
އިންތިޚާބުގެ ނަތީޖާއިން އިންތި ބަލިވީކަން ކަށަވަރުވީ ހިސާބުން އިންތިއަށް ތާޢީދުކުރެއްވި އޭނާގެ ސަޕޯޓަރުންގެ ތެރެއިން ބައެއް މީހުން މާޔޫސްވެ ކަންބޮޑުވުންތައް ބަންޑުންކޮށްލިއެވެ. ބައެއް މީހުން އެމްޑީޕީ ދޫކޮށްލާކަމަށްވެސް ބުނެފައިވެއެވެ.
މި އިންތިޚާބުގައި ފައްޔާޒާއި އިންތި ވާދަކުރެއްވިނަމަވެސް ބައެއް ފަރާތްތަކުން ސިފަކުރާ ގޮތުގައި މިއީ ރައީސް ޞާލިހާއި ރައީސް ނަޝީދުގެ ކުރިމަތިލުމެކެވެ. ސަބަބަކީ އިންތި ވާދަކުރެއްވީ ރައީސް ނަޝީދުގެ ހިޔަނީގައެވެ. އަދި ފައްޔާޒް އިންތިޚާބުގައި ވާދަކުރެއްވީ ރައީސް ޞާލިޙްގެ ހިޔަނީގައެވެ.
އެމްޑީޕީގެ ބައެއް ސަޕޯޓަރުން ބުނާގޮތުން އިންތިޚާބުގައި އައި ނަތީޖާއާއެކު މިއީ ޕާޓީން ވަކިވާންވީ ވަގުތެވެ.
މާތްﷲ ގެ އިރާދަފުޅުން މިއަދުން ފެށިގެން @MDPSecretariat ވަކިވާން ނިންމައިފިން.
ނޯޓް: އަހަރެން ޕާޓީއިން ވަކިވިއަސް ބަޔަކަށް ކަހެރުވަކެކޭ ވެސް ހީނުވާނެކަންވެސް އިނގޭ.އެހެން ނަމަވެސް ތިޔަ ހިންގާ ޖަރީމާތަކާއި ކުރާ ވައްކަމުގެ ފާފަ އިރާދަކުރެެއްވިއްޔާ މަގޭ ބޮލަކު ނޭޅޭނެ ދެއްތޯ؟
— AD'DEY (@Addey_33) May 14, 2022
ކޮންމެއަކަސް އިންތިޚާބު ނިމި އައު ދުވަހެއް ފެށިގެން ދިޔައިރުވެސް މިހާތަނަށް އިންތިއާއި އިންތިގެ ކެމްޕެއިން ޓީމުން ނަތީޖާއާއި ގުޅޭގޮތުން އެއްވެސް އެއްޗެއެް ނުބުނެއެވެ. އެހެންކަމުން ބައެއް ފަރާތްތަކުން ވަނީ އިންތި ބަލި ޤަބޫލު ނުކުރަން ނިންމީތޯ ސުވާލުކުރައްވާފައެވެ.
Looks like it’s time for a new party for @MohamedNasheed
— aaidh ???????? (@aaaaaidh) May 14, 2022
އެމްޑީޕީއަކީވެސް އަބަދުވެސް ޑިމޮކްރަޓިމް އުސޫލުތަކުގެ މަތިން ކުރިއަށްދާ ޕާޓީއެއްކަން އިންތި ތަކުރާރުކޮށް ވިދާޅުވަމުން ގެންދަވައެވެ. އެމްޑީޕީގެ އިސް ބޭފުޅުންވެސް އެހެން ވިދާޅުވަމުން ގެންދެވިއެވެ. އެބޭފުޅުން އަބަދުވެސް ވިދާޅުވަނީ ކާމިޔާބީގައި ހިތްތިރިކޮށް ނާކާމިޔާބީގައި ހިތްވަރުކުރާށެވެ. އެއީ ރައީސް ނަޝީދުވެސް ތަކުރާރުކޮށް ވިދާޅުވާ ވާހަކަފުޅެކެވެ. ނަމަވެސް މިހާތަނަށް އިންތިޚާބަކުން ބަލިނުވެ އައި އިންތި މި އިންތިޚާބުން ބަލިވުމާއެކު ނާކާމިޔާބީގައ ހިތްވަރުގަދަ ކުރީތޯ މިއީ އުފެދޭ ސުވާލެކެވެ.
