އާއިލީ ޑްރާމާ ތަކެއް ދައްކުވައިދޭ ފިލްމް "ޖުގް ޖުގް ޖިއޯ" ގެ ޕޯސްޓަރުތަކެއް ދައްކާލައިފިއެވެ.
މި ފިލްމް އަކީ މަޝްހޫރު އެކްޓަރ ރިޝި ކަޕޫރު މަރުވިފަހުން އޭނާގެ އަންހެނުން ނީތޫ ކަޕޫރު ކުޅޭ ފުރަތަމަ ފިލްމެވެ.
ރާޖް މެހެތާ ޑައިރެކްޓްކޮށްފައިވާ މި ރޮމޭންޓިކް ކޮމެޑީގެ ސްޓިލް ޕޯސްޓަރުތަކެއްގެ އިތުރުން މޯޝަން ޕޯސްޓަރެއް ވެސް އާންމުކޮށްފައި ވެއެވެ.
ޖޫން މަހުގެ 24 ގައި ސިނަމާތަކަށް ގެންނަން ނިންމާފައިވާ މި ފިލްމަކީ ކަރަން ޖޯހަރްގެ ދަރްމާ ޕްރޮޑަކްޝަންސް އިން ގެނެސްދޭނެ ފިލްމެވެ.
View this post on Instagram
ނީތޫގެ އިތުރުން "ޖުގް ޖުގް ޖިއޯ"ގެ ކާސްޓްގައި އަނިލް ކަޕޫރާއި ވަރުން ދަވަންގެ އިތުރުން ކިއާރާ އަޑްވާނީ ވެސް ހިމެނެއެވެ. މީގެ އިތުރުން މަނީޝް ޕޯލް އާއި ޕްރަޖަކްތާ ކޯލީގެ އިތުރުން ވަރުން ސޫދު ވެސް މި ފިލްމުން ފެނިގެން ދާނެއެވެ.
މިއީ 63 އަހަރުގެ ނީތޫ 9 އަހަރު ފަހުން ބޮޑު ސްކްރީނުން ބެލުންތެރިންނާ ބައްދަލުކުރާ ފުރަތަމަ ފިލްމުވެސް މެއެވެ.
