މަޝްހޫރު އެކްޓަރ ސަލްމާން ޚާންގެ އާއިލާއިން އަނެއްކާވެސް ކައިވެންޏެއް ރޫޅޭން އުޅޭކަމަށް ޚަބަރުތައް ބުނެފިއެވެ.
2017 ގައި ވެސް ވަނީ އެ އާއިލާގައި ކައިވެންޏެއް ރޫޅިފައެވެ. އެއީ ސަލާމާންގެ ކޮއްކޮ އަރްބާޒް ޚާނާއި މަލައިކާ އަރޯރާގެ ކައިވެންޏެވެ. އެދެމީހުންގެ 2 ކުދިން ވެސް ތިބެއެވެ.
މިފަހަރު ވަރިވާން އުޅެނީ ސަލްމާންގެ އަނެއް ކޮއްކޮ ސޮހެއިލް ޚާނާއި އޭނާގެ އަނބިމީހާ ސީމާ ސަޗްދޭވްއެވެ.
މީގެ 24 އަހަރު ކުރިން ކުރި ކައިވެނި ރޫޅާލަންވެގެން، ސޮހައިލާއި ސީމާ، ހުކުރު ދުވަހު ވަކިވަކިން ދެ ވެހިކަލްގައި މުމްބާއީގެ ފެމެލީ ކޯޓަށް ވަންނަ މަންޒަރު ފެންނަ ފޮޓޯއާއި ވީޑީއޯ ތަކެއް ވަނީ ވައިރަލް ވެފައެވެ.
View this post on Instagram
ސޮހައިލާއި ސީމާ ކައިވެނިކުރީ 1998 ވަނަ އަހަރުއެވެ. އެކްޓަރެއްގެ އިތުރުން ޑައިރެކްޓަރެއްގެ ގޮތުގައި ވެސް މަސައްކަތްކުރާ ސޮހައިލްގެ ދެމަފިރިންނަށް ދެ ކުދިން ލިބިފައިވެއެވެ. އެއީ ނިރުވާން ޚާން، 21، އާއި ޔޯހަން ޚާން، 11، އެވެ.
ފިލްމީ އާއިލާއެއްގެ ތެރޭގައި އުޅުނަސް ސީމާ އަކީ ފިލްމީ ތަރިއެއް ނޫނެވެ. އަދި ފިލްމީ ކަންކަމާ މާބޮޑަށް ޝާމިލްވެ އުޅޭ މީހެއް ވެސް ނޫނެވެ. އެކަމަކު ކަރަން ޖޯހަރްގެ ދަރުމާ ޕްރޮޑަކްޝަނުން ނެޓްފްލިކްސްގައި ގެނެސްދިން ސީރީޒް "ފެބިއުލަސް ލައިވްސް އޮފް ބޮލީވުޑް ވައިވްސް" އިން އެމީހުންގެ ލަގްޒަރީ ދިރިއުޅުން ވަނީ ދައްކައުވައިދީފައެވެ.
ނަމަވެސް ސޮހައިލާއި ސީމާ ފެނުނީ ދެ ގެއެއްގައި ދިރިއުޅެނިކޮށެވެ. ވަކިވަކިން އެތަށް ދުވަހެއް ވަންދެއް އެމީހުން އުޅެމުން އަންނަ ކަން ވަނީ އެރު އެނގިގެން ގޮސްފައެވެ. އެކަމަކު ދެ ކުދިންގެ ކަންކަން އެމީހުން އަންނަނީ ގުޅިގެން ބަލަމުންނެވެ.
View this post on Instagram
ސަލްމާން ޚާންގެ އައިލާގައި ހިމެނެނީ އޭނާ ލައިގެން 3 ފިރިހެން ކުދިންނާއި ދެ އަހެން ކުދިންނެވެ. އޭގެ ތެރެއިން އެއް ކުއްޖަކީ ސަލްމާންގެ މައިންބަފައިން އެޑޯޕްޓްކުރި ކުއްޖެއް ނޫނެވެ. އެއީ އަރްޕިތާ ޚާނެވެ.
ސަލްމާންގެ ދެ ފިރިހެން ކޮއްކޮގެ ކައިވެނި ނިމުމަކަށް އައިސްފައި ވާއިރު އަދިވެސް ސަލްމާން ހުރީ ކައިވެންޏެއް ނުކޮށެވެ. މިހާރު 50 އިން މަތިވެފައިވާ ސަލްމާން ދެން ކައިވެންޏެއް ކުރާނެ ކަމަކަށްވެސް ނުބެލެވެއެވެ.
