ބޮލީވުޑްގައި މާބޮޑު ކާމިޔާބެއް ނުލިބުން ނަމަވެސް ނޭހާ ދުޕިއަ އަންނަނީ އެހެން ގޮތްގޮތުން އޭނާގެ ކެރިއަރ ދެމެހެއްޓޭތޯ މަސައްކަތް ކުރަމުންނެވެ.
އެގޮތުން ޝޯ ހޯސްޓް ކުރުމާއި ފެޝަން ޝޯ ތަކުގައި ބައިވެރި ވުން ފަދަ ކަންކަން އަންނަނީ ކުރަމުންނެވެ.
2018 ވަނަ އަހަރު އެކްޓަރ އަންގަދު ބޭދީއާ ކައިވެނި ކުރި ނޭހާއަށް ވަނީ މިހާރު ދެކުދިން ލިބިފައެވެ. އަދި ކުދިން ލިބުމުން، އެހެން މީހުނެކޭ އެއްފަދައިން އޭނާގެ ހަށިގަނޑަށްވެސް ވަނީ ވަރަށް ބޮޑު ބަދަލެއް އައިސްފައެވެ.
ހަށިގަނޑު ފަލަވުމުގެ ސަބަބުން ގިނަބައެއްގެ މަލާމާތައި، ސޯޝަލް މީޑީއާގައި ތަފާތު ޓްރޯލް ތަކާއިވެސް އޭނާ އަންނަނީ ކުރިމަތި ލަމުންނެވެ.
އެގޮތުން ދާދިފަހުން ނޭހާ ބުނެފައިވާ ގޮތުގައި އޭނާ ދެވަނަ ދަރިފުޅު ލިބުނު ފަހުން އޭ ލިސްޓްގެ ޑިޒައިނަރުން އޭނާ ސްޓައިލް ކޮށްދޭން ނޫނެކޭ ބުނެފައި ވާކަމަށެވެ. އަދި އެމީހުންނަކީ މީގެ ކުރިން އޭނާ ސްޓައިލް ކޮށްދިން ބައެއް ކަމަށާއި އެހެންކަމުން ހީކުރީ އެއީ ރަހުމަތް ތެރިން ކަމުގައި ކަމަށްވެސް އޭނާ ވަނީ ބުނެފައެވެ.
ނަމަވެސް އެމީހުން އޭނާ ސްޓައިލް ކޮށްދޭން ބޭނުން ނުވާ ކަމަށް ބުނެފައި ވާ ކަމަށް ނޭހާ ވަނީ ބުނެފައެވެ.
އަދި އެއީ އޭނާ އަށް އެކަނި އަންނަ ބަދަލު ނޫން ކަމަށާއި އެއީ ހުރިހާ އަންހެނުންނެއްވެސް ފޭސް ކުރާނެ ކަމެއް ކަމަށް އޭނާ ވަނީ ބުނެފައެވެ.
އެންމެ ފަހުން ނޭހާ ފެނިގެން ދިޔައީ މި އަހަރުގެ ފިލްމު "އަ ތާޒްޑޭ" އިންނެވެ.
ކޮމެންޓު ފޮނުވާ