އެމްޑީޕީގެ ޗެއަރޕާސަން އިންތިޚާބުގައި އިމްތިޔާޒް ފަހުމީއަށް ވޯޓުލުމަށާއި، ކޯލިޝަން ސަރުކާރެއް ބޭނުން ނުވާކަމަށް އެމްޑީޕީގެ ކުރީގެ ޕީޖީ ލީޑަރު އަދި މެދު ހެންވާރު ދާއިރާގެ މެންބަރު ޢަލީ އާޒިމް ވިދާޅުވެއްޖެއެވެ.

ޗެއަރޕާސަން އިންތިޚާބުގެ ވާދަވެރިކަން ބޮޑުވެ، މިނިސްޓަރ ފައްޔާޒް އިސްމާޢީލާއި އިންތިގެ ޓީމުން ގެންދަނީ ބަހުގެ ހޫނު ހަމަލާތަކެއް ރައްދުކުރަމުންނެވެ. އިންތިއަށް ތާޢީދުކުރައްވާ އަލީ އާޒިމް ވިދާޅުވީ އިންތިއާއި އިންތިގެ ޓީމުން އިންތިޚާބަށްކުރާ މަސައްކަތް ފެނި ކާމިޔާބުވާނެކަމުގެ އުއްމީދު ބޮޑުކަމަށެވެ. އެމްޑީޕީގެ އެންމެން ނުކުމެ ވޯޓުލުމަށް ގޮވާލާ އާޒިމް ވިދާޅުވީ ކޯލިޝަން ސަރުކާރެއް ބޭނުން ނުވާކަމަށެވެ.

އިންތި އާއި އިންތިގެ ޓީމުގެ މަސައްކަތްތައް ފެނި
މިއިންތިހާބު އިންތި ކާމިޔާބު ކުރާނެކަމާމެދު އަޅުގަޑުގެ
ފުރިހަމަ ޔަގީންކަން އެބައޮތް. ތިޔައީ ގަދަ ޓީމެއް.
MDP ގެ އެންމެން ނުކުމެ އިންތިއަށް ވޯޓުއަޅާ ވޯޓު ފޮށި ފުރާލާ. ކޯލިސަން ސަރުކާރެއް ބޭނުމެއް ނޫނޭ ބުނޭ. https://t.co/AaselYfKhf

— ???????????? ???????????????? (@aliaazim) May 9, 2022

އިންތި ވިދާޅުވީ މިދަތުރާއިއެކު މިކެމްޕެއިންގައި ރާއްޖޭގެ ހުރިހާ ރަށަކަށް ދަތުރު ކުރެވި އެމްޑީޕީ މެމްބަރުންގެ ކަންބޮޑުވުންތައް ސާފު ވެފައިވާކަމަށެވެ. ދަތުރުތަކުން ލިބިގެންދިޔަ އެންމެ ބޮޑު ހިންހަމަ ޖެހުމަކީ އިންތިޚާބު ކާމިޔާބު ކުރެވޭނެ ކަމުގެ އުންމީދު ލިބުންކަމަށް އިންތި ވިދާޅުވިއެވެ.

އެމްޑީޕީ ޗެއާޕާސަން އިންތިޚާވުގައި އިންތިއާއި ވާދަކުރައްވާ ފައްޔާޟުގެ ޓީމުންވެސް މަސައްކަތް ކުރަމުންދަނި ރާއްޖޭގައި މިީހުން ދިރިއުޅޭ ހުރިހާ ރަށަކަށް ދަތުރު ކުރުމަށެވެ. އަންނަ ހޮނިހިރު ދުވަހު ބާއްވާ މި އިންތިޚާބަކީ ހުރިހާ ގޮތަކުންވެސް ވާދަވެރި އަދި ފޯރިގަދަވާނެ އިންތިޚާބެއްކަމަށް ބެލެވެއެވެ.