މިމަހުގެ 14 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ޗެއާޕާސަން އިންތިޚާބަށްފަހު، އެމްޑީޕީގެ ތެރޭގައި ހިންގަމުންދާ ނަސްލީ އިމްތިޔާޒަށް ނިމުމެއް އަންނާނެކަމަށް އާރުޑީސީގެ މެނޭޖިން ޑިރެކްޓަރު މޫސާ އަލީ މަނިކު (މޫކޭ) ފާޑުވިދާޅުވެއްޖެއެވެ.
ވާދަވެރިކަން ބޮޑުވެ ފޯރިގަދަވެފައިވާ އެމްޑީޕީގެ ޗެއާޕާސަން އިންތިޚާބުގައި އިންތިގެ ޓީމާއި، ފައްޔާޒުގެ ޓީމުން ދަނީ ބަހުގެ ހޫނު ހަމަލާތައް ބަދަލުކޮށް، ވާދަވެރި ކެމްޕެއެނެއް ކުރަމުންނެވެ. ކެމްޕެއިންގައި އެމްޑީޕީގެ މިހާރުގެ ހާލަތު އޮތް ގޮތް ފައްޔާޟުގެ ޓީމުން ދަނީ ވަރަށް ބޮޑަށް ތިލަކުރަމުންނެވެ. އެގޮތުން އެމްޑީޕީގެ ތެރޭގައި ރައީސް ނަޝީދުގެ ނުފޫޒާއި ބާރު އޮތް މިންވަރާއި، އެހެން ބަޔަކަށް އެމްޑީޕީ ތެރެއިން ފުރުސަތު ނުދިނުމަށް ކުރާ މަސައްކަތް ދަނީ ހާމަ ކުރަމުންނެވެ.
މިވާހަތައް އެންމެ ބޮޑަށް ތިލަކުރަމުންދާ އެއްބޭފުޅަކީ އާރުޑީސީގެ އެމްޑީ މޫކޭއެވެ. އޭނާ މިވާހަތައް ދައްކާތީ އެމްޑީޕީގެ ރައީސް ނަޝީދަށް ތާއީދު ކުރާ މެމްބަރުން ހިމެނޭ ގްރޫޕްތަކުން އޭނާ ދަނީ ނެރެމުންނެވެ. މޫކޭ ވިދާޅުވީ މިފަދަ ކަންކަން ކުރަމުންދަނީ އިންތިޚާބުން ބަލިވާނެ ކަމުގެ އިހުސާސް ކުރެވެމުން ކަމަށެވެ. އަދި ކިތަންމެ ވަރަކަށް ދޮގު ތުހުމަތުތަކާއި ވަގު ބަދުނާމު އެޅުވިޔަސް، އެމްޑީޕީ ތެރޭގައި ގެންގުޅެމުންދާ ނަސްލީ އިމްތިޔާޒު މިއިންތިޚާބަށްފަހު ނިމުމަކަށް އަންނާނެކަމަށް މޫކޭ ވިދާޅުވިއެވެ.
ފައްޔާޒަށް ތާއީދު ކޮށްފި މީހަކަށް، ހުރުހާ ލޭބަލްތައް އަޅުވާލާ ގްރޫޕް ތަކުން ރިމޫވްކޮށް، ހަދާ ވަރަށް ފިތުނަވެރިން ބަލިވެ ސޮހިއްޖެ. ކިތަންމެ ވަރެއް ކުރިޔަސް އެމްޑީޕީ އެތެރޭގައި ތިޔަ ހިންގަވާ ނަސްލީ އިމްތިޔާޒު ނިކުމަކަށް އަންނަނާނެ.
– މޫކޭ ވިދާޅުވިއެވެ.
ވާދަވެރިކަން ބޮޑުވެ ފައްޔާޟަށް ކިޔަމުދާ ފާޑުކިޔުންތަކަށް އެންމެ ފަހުން ބޭއްވި އެމްޑީޕީގެ ޤައުމީ މަޖިލީހުގައި ސީދާ ފައްޔާޟު ވަނީ ރައްދު ދެއްވާފައެވެ. ފައްޔާޟު ވިދާޅުވީ މިއިންތިޚާބުގައި އޭނާ ވާދަކުރަނީ ވަރަށް ގިނަ ކަންތައްތަކެއް އެމްޑީޕީ ތެރެއިން އިސްލާހު ކުރުމަށް ކަމަށެވެ. އެމްޑީޕީއަކީ ހަމައެކަނި ވަކި ބަޔަކު ކުރި ކަމެއްކަމަށްބުނެ ވާހަކަ ދެއްކުމުގެ ހައްގެއް އެއްވެސް ބަޔަކަށް ނޯންނާނެކަމަށް ފައްޔާޟު ވިދާޅުވިއެވެ.
ފައްޔާޒު ވިދާޅުވީ އޭނާއާ ޓީމު އޮތީ ސަރުކާރާއެކު ގަދަކޮށް ކަމަށެވެ. އަދި އޭނާއަށް ނިސްބަތްކޮށް ނުފޫޒު ފޯރުވަނީ ކަމަށާ އެއީ "ބްރޯ" ކަމަށް ލޭބަލް ކުރެވިދާނެ ކަމަށެވެ. ނަމަވެސް "އަސްލު ބްރޯ" އަކީ ކާކުކަން ރައްޔިތުންނަށް މިއަދު އެނގޭ ކަމަށް ވިދާޅުވިއެވެ. އެމްޑީޕީގެ އިންތިޚާބުގެ ވާދަވެރިކަން ބޮޑުވެފައިވީނަމަވެސް މިއިންތިޚާބު ފައްޔާޟުގެ ޓީމުން ކާމިޔާބު ކުރާނެކަމަށް ގިނަ ބަޔަކު ދެކެއެވެ.
