އެމްޑީޕީގައި ކޮރަޕްޓް މެންބަރުންނެއް ނުތިބޭނެކަމަށް ކެލާ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ.
އެމްޑީޕީ ޗެއަރޕާސަންގެ އިންތިޚާބުގެ ވާދަވެރިކަން ބޮޑޫވެ އިންތިގެ ޓީމުން ފައްޔާޒްގެ ޓީމަށް ކުރާ ތުހުމަތުތަކަކީ ކޮރަޕްޝަންގެ ތުހުމަތުތަކެކެވެ. މިކަމާއި ފައްޔާޒްގެ ޓީމުން އަންނަނީ ނުރުހުން ފާޅުކުރަމުންނެވެ.
ކެލާ ދާއިރާގެ މެންބަރު އިބްރާހީމް ޝަރީފް ވިދާޅުވީ އެމްޑީޕީގައި ކޮރަޕްޓް މެންބަރުން ނުތިބޭނެކަމަށާއި، އެމްޑީޕީ ދަސްކޮށްދީފައި ވާނީ އަމިއްލަ ހަލާލު ބުރަ މަސައްކަތުން ރިޒުޤު ހޯދަންކަމަށެވެ. އޭނާ ވަނީ އެމްޑީޕީ މެންބަރުންނަށް ކުނިގޮވުން ހުއްޓާލުމަށް ގޮވާލާފައެވެ.
އެމްޑީ ޕީއަކު ނުތިބޭނެ ކޮރަޕްޓް މެންބަރުންނެއް، އެމްޑީޕީ ދަސްކޮށްދީފައި ވާނީ އަމިއްލަ ހަލާލު ބުރަ މަސައްކަތުން الله ތަނަވަސް ރިޒުޤުން، ދިރިއުލޭ ދިވެހި ލޭހިންގާ،ދިވެހިދަރިން، އެމްޑީ މެންބަރުން ނަށް ކުނިގޮވުން ހުއްޓާލާ،
— Ibrahim Shareef (kelaa dhaaira MP) (@kelaaibrey) May 5, 2022
އެމްޑީޕީގެ ޗެއާޕާސަން އިންތިޚާބު މިމަހުގެ 14 ވަނަ ދުވަހު ބޭއްވުމަށް ހަމަޖެހިފައިވާއިރު، މިއިންތިޚާބުގައި އިކޮނޮމިކް މިނިސްޓަރ ފައްޔާޟު ސަރުކާރުގެ ނުފޫޒާއި ބާރުގެ ބޭނުން ކުރާކަމަށް އިންތިގެ ޓީމުން ދަނީ ތުހުމަތު ކުރަމުންނެވެ. އަދި ކަން ބެލުމަށް އެމްޑީޕީގެ ކަމާއިބެހޭ ކޮމެޓީއަށް ހުށަހެޅުުން ނިންމާފައިވަނީ، އިންތިޚާބަށް ނުފޫޒު ފޯރުވާކަމަށެވެ.
ނަމަވެސް ފައްޔާޟުގެ ޓީމުން ވަނީ މިއީ ކަނޑައެޅިގެން ދޮގުވާހަކަތަކެއްކަމަށް ބުނެފައެވެ. މިއިންތިޚާބުގެ ވާދަވެރިކަން ބޮޑުވެފައިވަނީ މިއީ ކުރިއަށް އޮތް ރިޔާސީ އިންތިޚާބުގައި އެމްޑީޕީން ނެރޭނެ ކެނޑިޑޭޓެއްވެސް ސާފުވާނެ އިންތިޚާބަކަށް ވުމުންނެވެ.
