ބޮލީވުޑްގެ މަޝްހޫރު އެކްޓަރ ރިތިކް ރޯޝަނާއި މޯނީ ރޯއީ އެކުގައި ފެނިގެންދާ ފޮޓޯއެއް ސޯޝަލް މީޑިއާގައި ދައުރުވާން ފަށައިފިއެވެ.
މި ފޮޓޯއަކީ މޯނީ އަދި ރިތިކް އެކުގައި ފެނިގެން ދާނެ ފުރަތަމަ ފަހަރެވެ. މިދެތަރިން އެކުގައި ކުޅެނީ އިޝްތިހާރެކެވެ.
މޯނީ ވަނީ ރިތިކާ އެކުގައި ނެދަލޭންޑްގެ އެމްސްޓެޑަމްގައި ނަގާފައިވާ ފޮޓޯއެއް އޭނާގެ އިންސްޓަގްރާމްގައި ހިއްސާކޮށްފައެވެ.
ކަޅުކުލައިގެ އައުޓް ފިޓްގައި ދެމީހުން ނެގި ސެލްފީި ވަނީ ކުޑަ ވަގުތު ކޮޅެއްގެ ތެރޭގައި ވައިރަލް ވެފައެވެ. މިއީ މޯނީ ކައިވެނި ކުރިފަހުން އަލުން މަސައްކަތަށް އެނބުރި އައުން ކަމަށް ޚަބަރުތައް ބުނެއެވެ. މޯނީއާއި، ދުބާއީގައި ދިިރިއުޅޭ ވިޔަފާރި ވެރިއެއް ކަމުގައިވާ ސޫރަޖް ނަމްބިއާ ކައިވެނި ކުރީ މި އަހަރުގެ ޖަނަވަރީ މަހުގެ ތެރޭގައި ގޯއާގައެވެ.
މޯނީ އެންމެ އަވަހަށް ފެނިގެންދާނެ ފިލްމަކީ އާލިއާ ބަޓާއި ރަންބީރުގެ އަލަތު ފިލްމު "ބްރަމަސްތުރަ" އެވެ.
ރިތިކްގެ ކުރިއަށް އޮތް ފިލްމަކީ ދީޕިކާ ޕަޑްކޯން އާއެކު ކުޅޭ ފުރަތަމަ ފިލްމު "ފައިޓާ" އެވެ.
ކޮމެންޓު ފޮނުވާ