ކުޅަދާނަ އެކްޓަރު ޝާހިދު ކަޕޫރު، ފައިސާ ހަރަދުކުރަނީ އަނބިމީހާ މީރާ ރާޖްޕޫތު ކައިރިން ހުއްދަ ހޯދައިގެން ކަމަށް އޭނާ ބުނެފިއެވެ.
ޝާހިދު ކަޕޫރާއި މިރާ ކައިވެނި ކުރީ 2015 ވަނަ އަހަރުއެވެ. އަދި މި ކައިވެންޏަކީ "އެރޭންޖް މެރިއެޖް" އެއްވެސް މެއެވެ. ބޮލީވުޑްގައި ޝާހިދު ލޯބީގެ ގޮތުން ގުޅިގެން އުޅުން ކަރީނާ ކަޕޫރާއި ދެމީހުންގެ މެދުގައި މައްސަލަ ޖެހި ދެމީހުން ރުޅިވުމަށްފަހު އޭނާ ބެނުންވީ ވީހާވެސް އަވަހަށް ކައިވެނި ކުރަން ކަމަށް ވާތީ، މައިންބަފައިން ހޯދި ކުއްޖަކާ ކައިވެނި ކުރީކަމަށް މީގެ ކުރިން ވަނީ ރިޕޯޓްތައް ބުނެފައެވެ.
މީރާއަކީ ފިލްމީ ދާއިރާއާ އެއްވެސް ގުޅުމެއް ނެތް ކުއްޖެއެވެ. އަނެއް ކޮޅުން ޝާހިދަކީ މިހާރު ބޮލީވުޑްގެ މެދު އުޑުގައި ގަދަޔަށް ފިޔަޖަހަމުން އަންނަ ތަރިއެކެވެ. 2003 ވަނަ އަހަރު "އިޝްގް ވިޝްކް" އިން ބޮލީވުޑަށް ތައާރަފްވި، އެކްޓަރުގެ ފިލްމީ ކެރިއަރު ވަރަށްވެސް އުޖާލާއެވެ.
View this post on Instagram
ދާދި ފަހުން އިންޓަވިއުއެއްގައި ވާހަކަ ދައްކަމުން ޝާހިދު ބުނެފައިވަނީ ކައިވެނީގެ ކުރިން އޭނާ އެއްވެސް ވަރަކަށް ފައިސާއަށް ނުބަލާ ކަމަށާއި ލިބޭ ހުރިހާ ފައިސާއެއް ތަޅާ ބުރުއްސަނީ ކަމަށެވެ. ނަމަވެސް ކައިވެންޏަށް ފަހު އެއްވެސް ހަރަދެއް ކުރާނަމަ މިރާގެ ހުއްދަ ހޯދާކަމަށާއި އަދި ސޭވް ވެސް ކުރާ ކަމަށެވެ.
ޝާހިދާކީ މިހާރު ދެކުދިންގެ ބައްޕައެއްވެސް މެއެވެ. އަދި ޝާހިދެކޭ އެއްފަދައިން އިޝްތިހާރާއި އަދިވެސް ބައެއް އެންޑޯސްމެންޓް ތަކުން މީރާވެސް އާމްދަނީ ހޯދަައެވެ. އަދި އޭނާ އަކީ ސޯޝަލް މީޑިއާގައި ވަރަށް ހަރަކާތްތެރި މީހެކެވެ. މީރާ ފިލްމު ނުކުޅުނެއް ކަމަކު، ކައިވެންޏަށް ފަހު އޭނާއަށް ވެސް ސްޓާރަކަށް ލިބޭވަރުގެ ސަމާލުކަން ލިބެއެވެ.
ޝާހިދަށް ވުރެ 14 އަހަރު ހަގު އަނބިމީހާ މިހާރު ހުރީ ޝާހިދު ހަމަ މަގަށް އަޅުވާފައި ކަމަށާއި މިހާރު އޭނާ އަކީ "ފެމެލީ މޭން" އެއް ކަމަށްވެސް މި އިންޓަވިއުގައި ޝާހިދު ވަނީ ބުނެފައެވެ.
