މަޝްހޫރު ފިލްމީ ތަރި ޝާހިދު ކަޕޫރުގެ އަންހެނުން މީރާ ރާޖްޕުތަކީ ވެސް ގިނަ ބައެއްގެ މެދުގައި މަގުބޫލު މީހެކެވެ.
މީރާގެ އެކި ކަންކަމަށް ފާރަލާ މީހުންވެސް ގިނައެވެ. ހާއްސަކޮށް އަންހެން ބޭފުޅުން މީރާއަށް ފާރަލާކަން ފާހަގަ ކޮށްލެވެއެވެ.
ކޮންމެއަކަސް މި ގެނެސް ދެނީ މީރާގެ މޫނުގެ އަދި އިސްތަށިގަނޑުގެ ސިއްރެވެ. ދެކުދިންގެ މަންމަގެ ރީތިކަމާ ލޫޅާފަތި ކަމަކީވެސް ގިނަ ބައްގެ މެދުގައި މަޝްހޫރު ވާހަކައެކެވެ.
މީރާގެ މޫނުގެ ހަންގަނޑު އޮމާންކޮށް ރީތިކޮށް ބެހެއްޓުމަށްޓަކައި އަމިއްލައަށް ތައްޔާރު ކުރާ "ފޭސް ޕެކް" އެއް ބޭނުން ކުރެއެވެ.
މާމުއި އަދި ރީނދޫ ފޭސް ޕެކް
މާމުޔަކީ މޫނުގެ ނެޗުރަލް މޮއިސްޗަރ ހިފަހައްޓައިދޭ އެއްޗެކެވެ. އަދި ރީނދުލަކީ އެންޓި ބެކްޓީރިއަލް އެއްޗެކެވެ. މީރާ ބުނާގޮތުގައި މިއީ މޫނުގައި ނަގާ ބިހިތަކަށް ވަރަށް ރަގަޅު ފޭސް ޕެކް އެކެވެ.
ރޯ ކިރު
ރޯ ކިރަކީ މީރާ ބުނާގޮތުގައި ހަމުގެ ހުރިހާ ކަމަކަށް ވެސް އޮތް ހައްލެވެ. 3 ސަމުސާ ކިރުގެ ތެރެއަށް ކަފަކޮޅެއްލާ ރަނގަޅަށް ފޯ ކޮށްލުމަށްފަހު މޫނުގައި އުނގުޅުމުން ޑްރައި ސްކިންއަށް ރަނގަޅު ކަމުގައި މީރާ ބުނެއެވެ.
މި ކިޔާދެވުނީ މީރާ އޭނާގެ މޫނު ގެ ހަންގަނޑު ރީތިކޮށް އޮމާންކޮށް ބެހެއްޓުމަށް ބޭނުން ކުރާ ބައެއް ތަކެއްޗެވެ. މި ތަކެއްޗަކީ ފަސޭހަ ކަމާއި އެކު ހެޔޮ އަގުގައި ލިބެން ހުންނަ ބާވަތްތަކެވެ.
View this post on Instagram
މީރާ އޭނާގެ އިސްތަށިގަނޑު ރީތިކޮށް ބެހެއްޓުމަށްޓައި ވެސް އަމިއްލަ އަށް "ހެއާ މާސްކް" އެއް ތައްޔާރު ކުރެއެވެ.
މި ހެއާ މާސްކް ތައްޔާރު ކުރުމަށް ބޭނުންވާނީ ބައިޖޯޑުގެ ފްލެކްސް ސީޑްއެވެ. މި ސީޑް ފެނުގައި ކެއްކުމަށް ފަހު ފުރާނާލާށެވެ. އޭރަށް މި ފްލެކްސް ސީޑް ހުންނާނީ ޖެލްއަކާއި އެއްގޮތަށެވެ. ދެން މި މާސްކް ބޮލުގައި އުނގުޅާނީއެވެ.
މިއީ މީރާގެ ރީތި އިސްތަށިގަނޑުގެ ސިއްރެވެ. ފަސޭހައިން ގޭގައި ތައްޔާރު ކުރެވޭ މި ތަކެތީގެ އަޖުމަ ބަލައިލަން ރަނގަޅުވާނެއެވެ.
