އިންޑިއާ އައުޓް ހަރަކާތް ހުއްޓުވުމަށް ރައީސް އިބްރާހީމް މުޙައްމަދު ޞާލިޙް މިއަދު ނެރުއްވި ރިޔާސީ ޤަރާރަށް އަމަލު ނުކުރާނެ ކަމަށާއި، އެޤަރާރު ބާޠިލްކުރުމަށް ކޯޓަށް ދާނެކަމަށް އިދިކޮޅުން ބުނެފިއެވެ.
އިންޑިއާ އައުޓް ލިޔެފައިވާ ބޮޑު ބެނާއެއް ރައީސް ޔާމީންގެ ގެކޮޅުގައި ދަމާފައި ހުއްޓާ ކޯޓު ޢަމުރެއްގެ ދަށުން ފުލުހުން ވަނީ އެ ބެނާ ނަގާފައެވެ. އަދި އެނޫން ބައެއް ތަންތަނުގައި ހުރި ބެނާތައްވެސް ނަގާފައިވެއެވެ.
އިދިކޮޅުން މިއަދު ބޭއްވި ނޫސްވެރިންގެ ބައްދަލުވުމުގައި ޕީއެންސީގެ ރައީސް ޢަބްދުއްރަޙީމް ޢަބްދުﷲ (އަދުުރޭ) ވިދާޅުވީ، ރައީސް ނެރުއްވި ގަރާރަކީ ގާނޫނުއަސާސީ އާއި ގާނޫނުތަކާ ޚިލާފަށް ނެރުއްވި ގަރާރެެއް ކަމަެވެ. އެހެންކަމުން އެގަރާރު ބާތިލްކުރަން ކޯޓަށް ހުށަހަޅާނެ ކަމަށާއި، އެ ގަރާރު ނެރުނަސް، "އިންޑިއާ އައުޓް" ހަރަކާތްތައް ނުހުއްޓުވޭނެ އަދުރޭ ވިދާޅުވިއެވެ. އަދުރޭ ވަނީ، ނަސްލީ ތަފާތު ކުރުން ހުއްޓުވަނީ ކަމަށް އެ ގަރާރުގައި ބުނެފައި އޮތަސް، ނަސްލީ ތަފާތު ކުރުން ފެތުރެމުން ދަނީ އިންޑިއާގެ ސަބަބުންކމަށް ވިދާޅުވެ ރައީސްގެ ޤަރާރަށް ރައްދު ދެއްވާފައެވެ.
ރައީސުލްޖުމްހޫރިއްޔާގެ ގަރާރަކުން އެކަން މަނާކޮށް ނެރުނު ޤަރާރުގައި ވަނީ އިންޑިއާއާ މެދު ނަފްރަތު އުފެއްދުމަށް ހިންގާ އެ ހަރަކާތަކީ ގައުމީ ސަލާމަތަށް ނުރައްކާވާ ހިސާބަށް ގޮސްފައިވާ ހަރަކާތެއްކަން ސާފުކޮށް އެނގޭ ކަމަށެވެ. އަދި އެ ހަރަކާތުގެ ސަބަބުން ރާއްޖޭގެ އެކި ސަރަހައްދުތަކުގައި އޮތް އަމާންކަމާއި ދާހިލީ ހަމަޖެހުން ނަގާލައި، ސަރަހައްދީ ސަލާމަތާއި ރައްކާތެރިކަން ވެސް ގެއްލުވައިލާ ކަމަށެވެ. އުމީ ސަލާމަތަށް ނުރައްކާވާ ފަދަ ކޮންމެ ހަރަކާތަކީ ދިވެހި ސަރުކާރުން އެ ކަމެއް ހުއްޓުވަން ޖެހޭނެ ކަމެއް ރައީސް ވަނީ ޤަރާރުގައި ވިދާލުވެފައެވެ.
އިންޑިއާ އައުޓް" އެ ހަރަކާތަކީ ރާއްޖޭގެ ގާނޫނުލްްއުގޫބާތުން ޖިނާއީ ކުށެއްގެ ގޮތުގައި ކަނޑައަޅައި މަނާކޮށްފައިވާ އަމަލުތަކުގެ ތެރެއިން ވަކި ނަސްލަކަށް ނުވަތަ ނަސަބަކަށް ވީތީ ދަތިކޮށް ފުރައްސާރަކޮށް ތަފާތުކުރުންފަދަ އަމަލެއް ކަމުގައި ޤަރާރުގައި ވަނީ ފާހަގަކުރައްވާފައެވެ. އަދި ނަސްލީ ތަފާތުކުރުންތައް ހުއްޓުވަން އެކި އެކި މުއާހަދާތަކާއި އދ. ގެ އެކި އެކި ގަރާރުތަކުގައި އެފަދަ އަމަލުތައް މަނާކުރާ ކަމެއްކަމުގައިކަމަށް ވިދާޅުވެފައިވެއެވެ.
ދިވެހި ދައުލަތަށް ފުދުންތެރިކަމާއި ފާގަތިކަމުން ކުރާ ކޮންމެ ނޭދެވޭ އަސަރަކީ ރައްޔިތުންނަށް ލިބޭ އަނިޔާއެއް ކަމަށެވެ. އަދި ގައުމީ ސަލާމަތަށް ނުރައްކާވާ ކޮންމެ ހަރަކާތަކީ ސަރުކާރުން އެކަމެއް ހުއްޓުވަން ޖެހޭ ކަމެއް ކަމުގައި ވެސް އެ ގަރާރުގައި ބަޔާންކޮށްފައިވެއެވެ. "އިންޑިއާ އައުޓް" ހަރަކާތުން ދިވެހިންނަށާއި ދިވެހި ދައުލަތަށާއި ބިދޭސީންނަށް ފޯރުކޮށްދޭންޖެހޭ ރައްކާތެރިކަން ފޯރުކޮށްދިނުމަށް ދަތިވާނެކަމަށް ގަބޫލުކުރެވޭކަމަށް ބުނެފަ އެވެ. އަދި ރާއްޖެ މިނިވަން ދައުލަތެއްގެ ގޮތުގައި ދަމަހައްޓައި ބޭރު ގައުމުތަކުގައި ދިރިއުޅޭ ދިވެހިންނާއި ބޭރު ގައުމުތަކަށް ޒިޔާރަތްކުރާ ދިވެހިންނަށް ރައްކާތެރިކަން ކަށަވަރުކޮށްދިނުމަށް ވެސް ދަތިވާކަމަށް ގަބޫލުކުރެވޭކަމަށްވެސް ރައީސްގެ ޤަރާރުގައިވެއެވެ.
"އިންޑިއާ އައުޓް" ހަރަކާތުން ކުރިމަތިވާ ނުރައްކާތަކުން ރާއްޖެ ސަލާމަތް ނުކުރެވިއްޖެނަމަ އެކި ގޮތްގޮތުން ދިވެހިން ތަހައްމަލުކުރަންޖެހޭ ބުރަ މިން ނުކުރެވޭނެ ކަމަށް އެ ގަރާރުގައި ވިދާޅުވިއެވެ. އެފަދަ ހަރަކާތްތަކުން ބައިނަލްއަގްވާމީ މައުދާނުގައި ރާއްޖެ އެކަހެރިވެ، އިތުބާރު ގެއްލި، ޒަމާނުއްސުރެ ދައުލަތުން ގެންގުޅެމުން އަންނަ ހާރިޖީ ސިޔާސަތު ރޫޅި ރާއްޖޭގެ މިނިވަންކަމާއި ސިޔާދަތާއި އިސްތިގުލާލަށް ނުރައްކާ ކުރިމަތިވެދާނެކަމަށާއި، ރާއްޖޭގެ އިގްތިސާދީ ރައްކާތެރިކަމާއި އިޖުތިމާއީ ނިޒާމު އަދި ސަރަހައްދީ ސަލާމަތާއި ރައްކާތެރިކަމަށް ވެސް އެފަދަ ހަރަކާތްތަކުން އަސަރުކުރުވާނޭ ކަމަށްވެސް ޤަރަރާރުގައި ބަޔާންކޮށްފައިވެއެވެ.
ންޑިއާ އާމެދު ނަފުރަތު އުފެއްދުމަށް ހިންގާ ހަރަކާތްތަކަކީ ގައުމީ ސަލާމަތަށް ނުރައްކާވާ ހިސާބަށް ގޮސްފައިވާ ހަރަކާތެއް ކަމުގައި އެ ގަރާރުގައި ސިފަކުރާއިރު، އޭގެ ސަބަބުން ރާއްޖޭގެ އެކި ސަރަހައްދުތަކުގައި އޮތް އަމަންއަމާންކަމާއި ސުލްހަ ގެއްލުވާލައި، ދާހިލީ ހަމަނުޖެހުން އުފެއްދުމަށް ވެސް މަގުފަހިކޮށްދޭ ކަމަށް ރައީސް ނެރުއްވި ޤަރާރުގައިވެއެވެ. އެ ގަރާރުގައި ވަނީ "އިންޑިއާ އައުޓް" ގާނޫނުއަސާސީން ލިބިދީފައިވާ ހިޔާލުފާޅުކުރުމުގެ މިނިވަންކަމާއި އެއްވެ އުޅުމުގެ މިނިވަންކަމުގެ ނާޖާއިޒު ފައިދާ ނަގައިގެން ކުރިޔަށް ގެންދާ ހަރަކާތެއް ކަމުގައި ވެސް ފާހަގަކުރެ އެވެ. އަދި އެއީ ސަރަހައްދީ އަމަންއަމާންކަމާއި ބައިނަލްއަގްވާމީ ފެންވަރުގައި ކުރާ މުހިންމު މަސައްކަތްތަކަށް ވެސް ހުރަސްއަޅަން ކުރިޔަށްގެންދާ ހަރަކާތެއްކަމްވެސް ސިފަކޮށްފައިވެއެވެ.
އިންޑިއާއާ މެދު ނަފުރަތު އުފައްދަން ހިންގާ ހަރަކާތްތަކަކީ ގައުމީ ސަލާމަތަށް ހުރި ނުރައްކަލެއް ކަމުގައި ގައުމީ ސަލާމަތާ ބެހޭ މަޖިލީހުން ކަނޑައަޅާފައިވާ ހިނދު އެފަދަ ހަރަކާތްތައް ހުއްޓުވަން ކަމާބެހޭ ފަރާތްތަކަށް އަންގައި އެކަން ތަންފީޒު ކުރަން ރައީސް ވަނީ އެގަރާރުގައި އިދާރާތަކަށް އަންގަވާފައެވެ.
