މަޝްހޫރު ފިލްމީ ތަރި ކާޖަލް އަގަރްވާލަށް ފިރިހެން ކުއްޖެއް ލިބިއްޖެއެވެ.
އޭނާ ބަނޑުބޮޑުކަން ހާމަކޮށްފައިވަނީ މިއަހަރުގެ ޖަނަވަރީ މަހުގެ ތެރޭގައިއެވެ. ސައުތު އިންޑަސްޓްރީގެ މަޝްހޫރު ބަތަލާ ވިހެއީ އަންގާރަ ދުވަހުއެވެ. އަދި ލިބިފައިވަނީ ފިރިހެން ކުއްޖެއް ކަމަށާއި ދެމައިންގެ ހާލުވެސް ރަނގަޅުކަށް ޚަބަރުތައް ބުނެއެވެ.
މިއީ ކާޖަލްއާއި އޭނާގެ ފިރިމީހާ ގޯތަމް ކިޗްޅޫގެ ފުރަތަމަ ދަރިފުޅެވެ. ކާޖަލް ބަނޑުބޮޑުކަން އިއުލާން ކުރުމަށްފަހު އިންސްޓަގްރާމްގައި އައީ ފޮޓޯތަށް ހިއްސާ ކުރަމުންނެވެ.
36 އަހަރުގައި އަލަތު ދަރިފުޅު ލިބުނު، ކާޖަލް އާއި ގޯތަމް ކައިވެނި ކޮށްފައިވަނީ 2020 ވަނަ އަހަރުއެވެ. ގޯތަމްއަކީ ވިޔަފާރިވެރިއެކެވެ.
View this post on Instagram
ކާޖަލް އެންމެ ފަހުން ފެނިގެން ގޮސްފައިވަނީ މިދިޔަ މަހުގެ 3 ގައި ރިލީޒްކުރި ތަމަޅަ ފިލްމު "ހޭ ސިނަމިކާ" އެވެ.
