ބޮލީވުޑްގެ ޒުވާން އެކްޓަރ ކާތިކު އާރިޔާންގެ ކުރިއަށް އޮތް ފިލްމު "ބޫލު ބުލައްޔާ 2″ގެ ޓިޒާ ދައްކާލައިފިއެވެ.
މިއީ ޒުވާން އެކްޓަރުގެ ފުރަތަމަ ހޮރޯ ކޮމެޑީއެވެ. "ބޫލު ބުލައްޔާ 2″ އަކީ 2007 ވަނަ އަހަރު ނެރުނު "ބޫލު ބުލައްޔާ"ގެ ސީކުއަލްއެކެވެ. އެ ފިލްމުން ފެނިގެން ގޮސްފައިވަނީ އަކްޝޭ ކުމާރާއި ވިދްޔާ ބާލަން އެވެ.
ބޫޝަން ކުމާރުގެ ޓީ ސީރީޒުން ޕްރޮޑިއުސްކޮށްފައިވާ މި ފިލްމުގެ ޑައިރެކްޓަރަކީ އަނީސް ބަޒްމީއެވެ.
މި ފިލްމް ގެ ލީޑުން ކާތިކް އާރިޔާން އާއި އެކުގައި ފެނިގެން ދާނީ ކިއާރާ އަދުވާނީ އެވެ. އަދި މުހިންމު ރޯލަކުން ތަބޫ ވެސް ފެނިގެން ދާނެއެވެ.
ފިލްމު ރިލީޒްކުރުމަށް ތާވަލް ކޮށްފައިވަނީ އަންނަ މަހު 20 އަށެވެ.
