އެމްޑީޕީއަށް ކުރިއަށް އޮތް ރިޔާސީ އިންތިޚާބު ކާމިޔާބުވާނީ، އާންމު މެންބަރުންނާއި ހީނަރުވެފައިވާ އެ ޕާޓިގެ ގުޅުންތައް ބަދަހިކޮށް، ހިންގާލައިގެންކަމަށް ޗެއަރޕާސަންކަމަށް ވާދަކުރައްވާ އިކޮނޮމިކް މިނިސްޓަރ ފައްޔާޟް އިސްމާޢީލް ވިދާޅުވެއްޖެއެވެ.
އިންތިޚާބުގެ ކެމްޕެއިންގައި ރަށްރަށް ކުރައްވާ ދަތުރުފުޅުގެ ތެރެއިން ކ.ހިންމަފުށީގައި ސަޕޯޓަރުންނާއި ބައްދަލުކުރައްވާ ވާހަކަފުޅު ދައްކަވަމުން ފައްޔާޒް ވިދާޅުވީ، ކެމްޕއއިންގައި ރާއްޖޭގެ 115 ވަނަ ރަށަށް ވަޑައިގެންނެވިއިރު، މެމްބަރުންގެ އެންމެ ބޮޑު ޝަކުވާއަކީ ޕާޓީ ނުހިންގި އާއްމު މެމްބަރުންނާއި ޕާޓީއާ ގުޅުން ގޯސްވެފައި އޮތުންކަމަށެވެ. އަދި ޕާޓީގެ ހަރަކާތްތައް ނުހިނގާކަމުގެ ޝަކުވާ ބޮޑުކަމަށް ވިދާލުވެ ފައްޔާޒް ވަނީ އިންތިހާބެއް ކައިރީވުމުން ކެންޑިޑޭޓަކު ނަގައިގެން ބުރަ މަސައްކަތެއްކޮށް އެ ކެންޑިޑޭޓަކު ހޮވާފައި އެ ހިސާބުން ނިންމާލުން ރަނގަޅު ނޫންކަމަށް ހާމަކުރައްވާފައެވެ.
ޕާޓީގައި ޒުވާނުންގެ ދައުރު ބޮޑުކޮށް، ކުރިއެރުމުގެ ފުރުސަތު ވެސް އޮންނަންޖެހޭކަމަށް ފާހަގަކުރައްވާ ފައްޔާޒް ވިދާޅުވީ، މްޕޭން ސްލޯގަންގައި ޔަގީންކަން ދެއްވަނީ އަމާޒެއް ނެތި އޮވެ ދާން ޕާޓީ ދޫކޮށްނުލައްވާނެކަމަށެވެ. ފައްޔާޒް ވިދާޅުވީ، 2023 ގެ އިންތިޚާބު ލިބޭނީ މެންބަރުން އެކްޓިވްވެގެންކަމަށެވެ.
ޕާޓީ އާއި އާއްމު މެމްބަރުންގެ ގުޅުން ރަނގަޅުކޮށް، ސަރުކާރާއި ޕާޓީއާ އެކު ގުޅިގެން މަސައްކަތް ކުރަން ފަށަންޖެހޭކަމަށާއި، އެމްޑީޕީއަށް ކާމިޔާބީ އޮތީ އެ މަގުންކަމަށް ފައްޔާޒް ވިދާޅުވިއެވެ.
އެމްޑީޕީ ޗެއާޕާސަން ިއންތިޚާބުގައި މިހާތަނަށް ދަތުރު ކުރެވުނު 115 ރަށުން އިވުނު އަޑަކީ އެމްޑީޕީ، ނުހިނގާކަމުގެ ވާހަތައް ކަމަށާއި، ކުރިއަށް އޮތް އިންތިޚާބު ކާމިޔާބުކޮށް މިކަންބޮޑުވުންތަކަށް ހައްލު ގެންނަވާނެކަމަށް އެމްޑީޕީގެ ޗެއާޕާސަންގެ މަޤާމަށް ވާދަކުރައްވާ ފައްޔާޟު އިސްމާއިލް ވިދާޅުވެފައިވެއެވެ.
ފައްޔާޟު ވިދާޅުވީ، އެމްޑީޕީގެ އާންމު މެމްބަރުންނަށް ޕާޓީން ކުރާ ކަމެއް، ހިންގާ ކަމެއް ނޭގޭކަމުގެ ޝަކުވާއަކީ 115 ރަށުން ވެސް އިވުނު ޝަކުވާކަމަށެވެ. އެންމެ ބޮޑު ކަންބޮޑުވުންތަކެއްގެ ގޮތުގައި ފާހަގަކުރީ އެމްޑީޕީގެ ރަށްރަށުގެ ގޮފިތަކާއި، ޖަގަހަތައް ނުހިނގާކަމުގެ ޝަކުވާކަމަށެވެ. މިކަންކަން ބަދަލު ކުރެވޭނީ އެމްޑީޕީ ހިންގާލެވިގެން ކަމަށާއި، ކުރިއަށް އޮތް އިންތިޚާބު ކާމިޔާބުކޮށް އެމްޑީޕީ ހިންގާލާނެކަމަށް ފައްޔާޟު ވިދާޅުވިއެވެ.
އެމްޑީޕީ ނުހިނގާކަމުގެ ޝަކުތާކަށް ރައްދު ދެއްވަމުން ރައީސް ނަޝީދު ވިދާޅުވެފައިވަނީ ނަޝީދު ވިދާޅުވީ، އެމްޑީޕީގެ ހިންގުމުގެ އެންމެ މައިގަނޑު ނިޒާމަކީ އެތެރޭގެ އިންތިހާބުތައް ކަމަށެވެ. ސިޔާސީ ޕާޓީއެއްގެ ހިންގުން އަމާޒުވާން ޖެހޭނީ އިންތިހާބު ކާމިޔާބު ކުރުމުގެ މައްޗަށް ކަމަށް ވާ އިރު އެކަމުގައި އެމްޑީޕީ ނުހިންގިފައި ނެތް ކަމަށް ރައީސް ނަޝީދު ވިދާޅުވިއެވެ.
ރައީސް ނަޝީދުގެ ވާހަތަކުގައި އަތޮޅުތެރޭގެ އެމްޑީޕީ އޮތް ހާލަތެއް، އެމްޑީޕީގެ އާންމު މެމްބަރުން ތިބި ހާލަތަކަށް އެއްވެސް ވަރަކަށް އަލި އަޅުވާލާފައި ނުވެއެވެ. އަދި ޚާއްސަކޮށް ޕާޓީ ޖަގަހަތަކާއި، ގޮފިތައް އޮތް ހާލަތާއި ގުޅޭގޮތުން އެއްވެސް ވަރަކަށް ރައީސް ނަޝީދު ވާހަކާގައި ބަލާލައި ނުވެއެވެ.
