ބޮލީވުޑްގެ އެންމެ ޑިމާންޑް ބޮޑު އެއް ތަރި ކަމުގައިވާ ދީޕިކާ ޕަޑުކޯންގެ ހަޔާތަށް ކިތައް މީހުން ލޯބިވެރިންގެ ގޮތުގައި އައިސްފާ ވޭހެއްޔެވެ.؟
ދީޕިކާ ވަނީ ތަފާތު ގިނަ ފިލްމު ތަކެއް ކުޅެ ބެލުންތެރިންގެ ހިތް ފަތަހަ ކޮށްފައެވެ. އަދި ހަމަ މިއާއެކުގައި އޭނާ ވަނީ ބޮލޮކްބާސްޓާ ގިނަ ފިލްމު ތަކެއް ބެލުންތެރިންނަށް ދޫކޮށްލާފައެވެ.
ބޮލީވުޑްގެ ތަރިންނަކީ އެތަރިންނާއި ބެހޭގޮތުން ތަފާތު ގިނަ ވާހަކަތައް އިވޭ ތަރިންނެވެ. އެގޮތުން ދީޕިކާ ކައިވެނީގެ ކުރިން ލޯބީގެ ގޮތުން ގުޅުނީ ކިތައް މީހުންނާ ތޯ އެއީ ކުރެވޭ ސުވާލެކެވެ. ރަންވީރު ސިންގާ ކައިވެނި ކުރުމުގެ ކުރިން ދީޕިކާއާ ލޯބީގެ ގޮތުން ގުޅިފައިވާ ލޯބިވެރިންނަކީ މިއީއެވެ.
ނިހާރު ޕާންޑޭ
ދީޕިކާ އަދި ނިހާރު ބައްދަލުވެފައި ވަނީ އެކްޓިންގ ސުކޫލަކުންނެވެ. މި ދެމެދުގައި ލޯބީގެ ގުޅުން ފެށި ލިވިންގ ރިލޭޝަންޝިޕެއްގައި އުޅުނު ނަމަވެސް 3 އަހަރެއް ތެރޭގައި މި ދެމެދުގައި އޮތް ގުޅުން ވަނީ ނިމުމަކަށް އައިސްފައެވެ. މިއީ ދީޕިކާ ފިލްމީ ދާއިރާގައި މާ ބޮޑު ކާމިޔާބެއް ނުލިބޭ އިރުގައި އޮތް ގުޅުމެކެވެ.
އުޕެން ޕަޓޭލް
އުޕެން އާއި ދީޕިކާ ބައްދަލުވެފައިވަނީ މި ދެމީހުންވެސް މޮޑެލް ކުރަން އުޅުނު ދުވަސް ވަރުގައެވެ. ބުނެވޭ ގޮތުގައި ދީޕިކާ އުޕެން އާއި އޮތް ގުޅުން ކަނޑާލީ ނިހާރު ޕާންޑޭގެ ލޯބީގައެވެ. އަދި ހަމަ އެހެންމެ ނިހާރު އަދި އުޕެން އަކީ ވަރަށް ގާތް ދެ ރަހުމަތްތެރިންނެވެ.
މުޒައްމިލް އިބްރަހިމް
މުޒައްމިލް އަކީ މޮޑެލް އެކެވެ. މުޒައްމިލް އާއި ދީޕިކާ ވަނީ ކުޑަ ދުވަސްކޮޅެއް ވަންދެން ޑޭޓް ކޮށްފައެވެ. މި ގުޅުން ނިމުމަކަށް އައި ސަބަބުގެ މާ ބޮޑު ތަފްސީލެއް މި ދެމީހުން ކުރެ އެކަކުގެ ފަރާތުންވެސް ސާފެއް ނުވެއެވެ.
ޔުވްރާޖް ސިންގ
މަޝްހޫރު ކްރިކެޓް ކުޅުންތެރިޔާ ޔުވްރާޖް އާއި ދީޕިކާވަނީ އެއް އިރެއްގައި ލޯބީގެ ގޮތުން ގުޅިގެން އުޅެފައެވެ. ޔުވްރާޖްގެ ދުވަސްވީ ލޯބިވެރިޔާ ކިމް ޝަރްމާގެ ވަކިވުމާއި އެކު ދީޕިކާ އާއެކު އޭނާ ވަނީ ފެނިގެން ގޮސްފައެވެ. ނަމަވެސް ހަމަ އެކަނި ގާތް ރަހުމަތްތެރިކަމުގެ ނަން މި ގުޅުމަށް ދިނުމަށްފަހު މި ލޯބީގެ ގުޅުން ވެސް ވަނީ ނިންމާލާފައެވެ.
ސިދާތު މާލްޔާ
މި ދެމީހުންގެ މެދުގައި އޮތީ ހަމަ އެކަނި ރައްޓެހި ރަހުމަތެރިކަން ނޫންކަން ޕަޕަރާޒީންގެ ކެމެރާތަކުގެ ލެންސުގައި ގައިދު ކުރެވިފައިވާ ފޮޓޯތަކުން ހާމަވެއެވެ. މި ދެމީހުން ވަނީ އެކުގައި އައިޕީއެެލްގެ މެޗް ބަލަން ދިއުމާއި ރެސްޓޯރެންޓު ތަކަށް ކާން ދިއުމުގެ އިތުރުން އެކި ތަންތަނުން އެކުގައި ފެނިގެން ގޮސްފައެވެ. ނަމަވެސް ކައިވެންޏަކާއި ހަމާލަށް ނުގޮސް މި ގުޅުންވެސް ވަނީ ނިމިފައެވެ.
ރަންބީރު ކަޕޫރު
މިއީ ދީޕިކާއަށް އެންމެ ހާއްސަވި ރިލޭޝަންސިޕް ކަމުގައި ބުނެވިދާނެވެ. މަޝްހޫރު އެކްޓަރ ރަންބީރާއެކު ދީޕިކާއަށް ހޭދަކުރެވުނީ އަހަރެއްހާ ދުވަހެވެ. ދެމީހުންގެ ދެމެދުގައި މައްސަލަ ޖެހި ގުޅުން ނިމުނީއެވެ. މި ދެމީހުންގެ ލޯތްބަކީ ވަރަށް ހާމަކަން ބޮޑު މުޅި ދުނިޔެއަށްވެސް ހާމަކޮއްގެން ކުރިއަށް ދިއަ ގުޅުމެކެވެ.
ނަމަވެސް މި ގުޅުމުގައި ދޯކާދީ، ބޭވަފާތެރިވީ އޭނާކަމަށް ޚުދު ރަންބީރު ވަނީ އެއްބަސްވެފައެވެ. އަދި އެ ގުޅުމުން އަރައި ގަތުމަށް ދީޕިކާގެ އަތުގައި ހިފީ ރަންވީރެވެ.
ދީޕިކާ އާއި ރަންވީރު ވަނީ 2018 ވަނަ އަހަރުގެ ނޮވެމްބަރު މަހުގެ 14 ވަނަ ދުވަހު ކައިވެނި ކޮށްފައެވެ.
