ރަމަޟާން މަހުގެ ރޭތައް އިހްޔާކުރުމަށް އިދިކޮޅު ޕީޕީއެމުން ބާއްވާ ޖަލްސާ މިރޭ ބައްވަން ނިންމައިފިއެވެ.
ޕީޕީއެމުން ބުނީ ރޭތައް އިޙްޔާކުރުމަށް ބާއްވާ ޖަލްސާ އޮންނާނީ މިރޭ 22:00ގައި ޕީޕީއެމް އޮފީހުގައިކަމަށެވެ. ކީރިތި ޤުރުއާނާ މުސްލިމުންގެ ދިރިއުޅުމުގެ މަޢުޟޫއަށް ބާއްވާ މި ޖަލްސާގައި ދީނީ ދަރުސް ދެއްވާނީ ކުރީގެ އިސްލާމިކް މިނިސްޓަރ އަދި ޕީޕީއެމްގެ އެޑްވައިޒަރ ޑރ.މުޙައްމަދު ޝަހީމް އަލީ ސަޢީދެވެ.
ރަމަޟާންމަހުގެ ރޭތައް އިޙްޔާކޮށް ދިރުވުމުގެ ގޮތުން ޕީޕީއެމުން ބާއްވާ ޚާއްސަ ޖަލްސާ
09 އޭޕްރީލް 2022 ވާ ހޮނިހިރު ދުވަހުގެރޭ 22:00ގައި ޕީޕީއެމް އޮފީހުގައި.
މިޖަލްސާގައި ދަރުސް ދެއްވާނީ @Mohamedshaheem1މި ޖަލްސާއަށް ހުރިހާ ބޭފުޅުންނަށް ދަޢުވަތު އަރުވަން pic.twitter.com/HucFwj1m7c
— Progressive Party of Maldives (@ProgressPartyMV) April 8, 2022
މި ޖަލްސާ ޕީޕީއެމް އޮފީހުގައި ބާއްވަން ނިންމާފައިމިވަނީ ޕީޕީއެމުން ދަރުހެއް ބާއްވަން އެދުމުން މިސްކިތުގައި ނުބޭއްވޭނެކަމަށް އިސްލާމިކް މިނިސްޓްރީން އެންގުމާއި ގުޅިގެންނެވެ.
ނަމަވެސް އަދާލަތު ޕާޓީގެ ލޯގޯ ޖަހައިގެން މަސްޖިދު ޝަހީދު ޢަލީގައި ދަރުސް ދިން މައްސަލައެއް ވަނީ ފެންމަތިވެފައެވެ. މިކަމާއިި ގުޅިގެން ބައެއް ފަރާތްތަކުގެ ފާޑުކިޔުން ވަނީ އަމާޒުވެފައެވެ.
