ބޮލީވުޑްގެ ސުޕަސްޓަރ ރިތިކް ރޯޝަންގެ ހަޔާތަށް ލޯބިވެރިއަކު އައިކަން "ފަޅާއެރީ" އެދެމީހުން އެކުގައި އަތާ އަތް ޖޯޑު ކޮށްގެން ޑިނާ ޑޭޓަކުން ނުކުންނަނީކޮން ޕަޕަރާޒީންނަށް ފެނުމުންނެވެ. އެއީ މި އަހަރުގެ ފެބްރުއަރީ މަހުއެވެ.
އެއާއެކު ރިތިކާއި އޭނާގެ ހަޔާތަށް އަލަށް އައި ބައިވެރިޔާއަށް ޕަޕަރާޒީން ދިޔައީ ފާރަލަމުންނެވެ. ރިތިކް ގެ ހަޔާތަށް އައީ ބޮލީވުޑްގެ ބައެއް ފިލްމް ތަކުންވެސް ފެނިގެން ގޮސްފައިވާ ލަވަކިއުން ތެރިއާ ސަބާ އަޒާދެވެ.
މި ޖޯޑު އަނެއްކާވެސް އަތާ އަތް ގުޅުވައިގެން މުމްބައިގެ އެއާޕޯޓްގައި ދަނިކޮން ވަނީ ޕަޕަރާޒީންނަށް ފެނިފައެވެ.
View this post on Instagram
އަންގާރަ ދުވަހު މި ދެ ލޯބިވެރިން ދިޔައީ މުމްބާއީއިން ބޭރަށް ޗުއްޓީ ހޭދަކޮންލަން ކަމަށް ޚަބަރުތަށް ބުނެއެވެ. ފަހުން ވަނީ އެމީހުން ގޯއާ ގައި ޕާޓީކުރަނިކޮށް ފޮޓޯތަކެއް އާންމުވެފައެވެ.
ދެމީހުން އެކުގައި ނުފެނުން ކަމުގައިވިޔަސް ސޯޝަލް މީޑިއާގައި އެކަކު އަނެއްކަކަށް ތައުރީފް ކުރުމާއި ލޯބި ބަދަލުން ކުރުންތައް ހިންގައެވެ.
ހަމަ އެއާއެކު ސަބާ ރިތިކްގެ އާއިލާއާ އެކުވެސް ވަގުތު ހޭދަކުރެއެވެ. މީގެ އިތުރުން ރިތިކްގެ ކުރީގެ އަންހެނުން ސުޒާން ޚާނާއި ސަބާއާ ދެމެދުވެސް ގާތް ގުޅުމެއް އެބައޮތެވެ. ސަބާ އާއި ރިތިކްގެ ގޯއާ ޕާޓީގައިވެސް ސުޒާން ބައިވެރިވެފައި ވެއެވެ.
