ޖިންސީ ގޯނާ އާއި ސްޓޯކް ކުރުމުގެ ތުހުމަތު މަޝްހޫރު ބޮލިވުޑް ކޮރެއޮގްރާފަރ ގަނޭޝް އަޗާރިއާގެ މައްޗަށް ކޮށްފިއެވެ.
މި މައްސަލަ ފުލުހުން ތަހުގީގު ކުރުމަށްފަހު މިހާރުވަނީ މުމްބާއީ މެޖިސްޓްރޭޓް ކޯޓަށް ހުށައަޅާފައެވެ.
މި މައްސަލަ މުމްބާއީ ފުލުހުންނަށް ހުށައަޅާފައިވަނީ ކޯ ޑާންސަރެކެވެ. މި މައްސަލާގައި ގަނޭޝް އާއި އޭނާގެ އެސިސްޓެންޓްގެ މައްޗަށް ވަނީ ޖިންސީ ފުރައްސާރަ އާއި ސްޓޯކް ކުރުމުގެ މައްސަ ފުލުހަށް ރިޕޯޓް ކޮށްފައެވެ. މި މައްސަލަ ފުލުހުން ބަލަން ފަށާފައި ވަނީ މިދިއަ އަހަރުއެވެ.
އަނިޔާ ލިބުން މީހާ އާއި ހަވާލާ ދީ ރިޕޯޓްކޮށްފައިވާ ގޮތުގައި ގަނޭޝް ވަނި ޖިންސީ އެދުން ފުއްދުމަށް ޑިމާންޑްކޮށް ބަރަހަނާ ފިލްމު ހެދުމަށްވެސް މަޖުބޫރު ކޮށްފައެވެ.
މީގެ އިތުރުން ގަނޭޝް ވަނީ ފިލްމް އެންޑް ޓެލެވިޒަން ކޮރެއޮގްރަފާސް އެސޯސިއޭޝަން (އައިފީޓީސީއޭ) ގެ މެމްބަރޝިޕް ބާތިލު ކުރާނެ ކަމުގެ ބިރު ދައްކާފައި ކަމަށްވެސް އެމީހާ ވަނީ ބުނެފައެވެ.
މީގެ ކުރިން ތަނުޝްރީ ދައްތާ ވެސް ވަނީ ގަނޭޝްއާ ދެކޮޅަށް ޖިންސީ ފުރައްސާރައިގެ ތުހުމަތު ކޮށްފައެވެ. ތަނުޝްރީ ބުނިގޮތުގައި 2009 ވަނަ އަހަރުގެ ފިލްމު "ހޯން އޯކޭ ޕްލީޒް" ކުޅުނު ދުވަސްވަރު ގަނޭޝް އަކީ އެ ފިލްމުގެ ކޮރެއޮގްރާފަރ ކަމަށެވެ. އެކަންކަމާ ދިމާވީ އެދުވަސް ވަރު ކަމަށްވެސް އޭނާ ބުނެފައިވެއެވެ.
