ބޮލީވުޑްގެ ތަރި މަލައިކާ އަރޯރާ، އިވެންޓަކަށް ދަނިކޮށް އޭނާގެ ކާރު އެކްސިޑެންޓެއްހިނގައި ހޮސްޕިޓަލްގައި ފަރުދޭން ފަށައިފިއެވެ.
ތިން ކާރެއް ޖެހި ހިނގި މި އެކްސިޑެންޓްގައި މަލައިކާގެ ހާލު ސީރިއަސް ނޫން ކަމަށް ވެއެވެ. ނަމަވެސް އޭނާ ހުރީ ބިރުން ހަލާކުވެފައި ކަމަށާއި، ނަފްސާނީ ގޮތުން ވަރަށް ބޮޑަށް އަސަރު ކޮށްފައި ކަމަށް ޚަބަރުތައް ބުނެއެވެ.
މުމްބާއީ އާއި ޕޫނޭ ގުޅޭ ސަރަހައްދާ ކައިރީގައި މަލައިކާގެ ކާރު އެކްސިޑެންޓްވީ ޑްރައިވަރަށް ބެލެންސް ގެއްލި ތިން ކާރު ޖެހިގެންނެވެ.
މަލައިކާއަށް ކުދި ކުދި އަނިޔާ ވި ނަމަވެސް ބޮޑު އަނިޔާއެއް ނުލިބޭތީ މިއަދުގެ ވަގުތެއްގައި ގެއަށް ދޫކޮށްލާނެއެވެ.
ރިޕޯޓްތައް ބުނާ ގޮތުގައި ފުލުހުން އަންނަނީ އެ މައްސަލަ އިތުރަށް ތަހުގީގުކުރަމުން ނެވެ.
