އަންހެނުންގެ ތަރައްޤީއަށް މަސައްކަތްކުރާ ކޮމިޓިތަކުގެ މެންބަރުންނަށްވެސް ރަމަޟާން މަހުގެ އިނާޔަތް ލިބެންޖެހޭނެކަމަށް މާލެ އަތޮޅު ކައުންސިލްގެ ރައީސް އަދި ޕީޕީއެމްގެ ނާއިބު ރައީސް މުޙައްމަދު ނިމާލް ވިދާޅުވެއްޖެއެބވެ.
ނިމާލް މިހެން ވިދާޅުވި، ރަމަޟާން މަހުގެ ޢިނާޔަތް ހުރިހާ މުސްލިމު މުވައްޒަފުންނަށް ދޭން ޤާނޫނުން ލާޒިމްކޮށްފައިވާއިރު، އަންހެނުންގެ ތަރައްޤީއަށް މަސައްކަތް ކުރާ ކޮމިޓިގެ މެންބަރުންނަށް ރަމަޟާން މަހުގެ ޢިމާޔަތް ނުދިނުމުން އެކަމުގެ ކަންބޮޑުވުން ފާޅުކުރައްވައެވެ.
ނިމާލް ވިދާޅުވި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނަށް ރަމަޟާން މހުގެ އިނާޔަތުގެ ފައިސާ ދެވެން ވާނެކަމަށް ޤަބޫލުކުރައްވާކަމަށެވެ. ހުރިހާ ކައުންސިލްތަކުގެ މެންބަރުންނަށް ފައިސާ ލިބޭކަމަށާއި، އަދި ވަޒީފާ އަދާކުރާ ބޭރު މީހުންނަށްވެސް ފައިސާ ލިބޭކަމަށް ނިމާލް ވިދާޅުވިއެވެ. އެލްޖީއޭގެ ބޯޑަށް މި މައްސަލަ އެޖެންޑާކޮށްދިނުމަށް މިހާރު ވާނީ އެދިފައިކަމަށް ނިމާލް ވިދާޅުވިއެވެ.
WDC ge Membarunnah Ramalaan Mahuge Inaayathu Faisaa Dheven Vaane kamah Alhugandu Qabool kuran.Hurihaa Council Thakuge Membarunah Faisaa libey,Adhi Vazeefaa Adhaa Kuraa Beyru Meehunnahves Faisaa Libey.LGA ge Board Ah Mi Massala Agenda Kohdhinumah Alhugandu Mihaaru Vaanee Edhifai.
— Mohamed Nimal (@NimalKokaa) March 30, 2022
އަންހެނުންގެ ތަރައްޤިއަށް މަސައްކަތްކުރާ ކޮމިޓިގެ މެންބަރުކަން އެހެން ވަޒީފާއެއް އަދާކުރަމުންވެސް އަދާކުރެވޭނެއެވެ. ނަމަވެސް އެ ކޮމިޓީގެ ގިނަ މެންބަރުންނަކީ އިތުރު ވަޒީފާއެއް އަދާކުރާ ބައެއް ނޫނެނެވެ.
މދިިޔަ ހޯމަ ދުވަހުގެ ކުރިން ރަމަޟާން މަހުގެ އިނާޔަތް ދިނުމަށް ފިނޭންސް މިނިސްޓްރީން ވަނީ ސާރކިއުލާއެއް ނެރެފައެވެ. ޤާނޫނުގައި ބުނާގޮތުން ރާއްޖޭގައި ވަޒީފާ އަދާކުރާ ކޮންމެ މުސްލިމު މުވައްޒަފަކަށް ރަމަޟާން މަހުގެ ޢިނާޔަތުގެ ގޮތުގައި 3000 ރުފިޔާ ދޭންޖެހެއެވެ.
