މިދިޔަ މަހު 15 ވަނަ ދުވަހު، އުމުރުން 69 އަހަހރުގައި މަރުވި އިންޑިއާގެ މަޝްހޫރު ލަވަކިއުންތެރިއާ ބައްޕީ ލެހެރީގެ ރަންތައް މިއުޒިއަމަކަށް ލާން ނިންމާފައިވާ ކަމަށް ޚަބަރުތަށް ބުނެފިއެވެ.
ރަނަށް ލޯބި ކުރި ލަވަކިއުންތެރިއާ އަަބަދުވެސް ފެންނަނީ 'ރަނުގެ ގަހެއް"ގެ ގޮތުގައެވެ. ރަން ފަށްތަކާއި އަނގޮޓި ފަދަ ގަހަނާ ބަރިބަރިއަށް އަޅައިގެން އުޅުނު މި ލަވަކިއުން ތެރިއާ މަރުވީ ނިދަން އުނދަގޫވުމުގެ މައްސަލައެއް ކަމަށްވާ އޮބްސްޓްރަކްޓިވް ސްލީޕް އެޕްނިއާއަށް ފަރުވާދެމުން ގެންދަނިކޮށެވެ.
"ޑިސްކޯ ޑާންސާ" އާއި "ޗަލްތޭ ޗަލްތޭ" ފަދަ މަޝްހޫރު އެތައް ލަވަތަކެއް ބޮލީވުޑަށް ދީފައިވާ ލަވަ ކިއުންތެރިއާ މީގެ ކުރިން ބުނެފައިވާގޮތުގައި އޭނާ ކީ ލަވައެއް ހިޓު ވުމުން ހަދިއާ އަކަށް މަންމަ ދިނީ ރަން ފަށެއް ކަމަށެވެ. ބެލެވޭ ގޮތުގައި ރަނުގެ ސިލްސިލާ ފެށުނު ހިސާބަކީ އެއީއެވެ.
View this post on Instagram
ރަނުގެ އިތުރުން ބޫޓާއި އައިނުގެ ކަލެކްޝަނެއްވެސް ބައްޕީ ގެންގުޅުނުކަމަށް އޭނާގެ ދަރިފުޅު ބައްޕާ ލެހެރީ ބުންޔެވެ. އަދި އެތަކެތި ވެސް މީހުންނަށް ފެންނާނެހެން ބެހެއްޓުމަކި ބައްޕަގެ އެދުމެއްކަމަށް ވެސް އޭނާ ވަނީ ބުނެފައެވެ.
މީގެ އިތުރުުން ދުނިޔޭގެ އެކި ގަުމުތަކުން ވެސް ބައްޕީ ވަނީ ރަން އެއްކޮށްފައެވެ. އަދި ކޮންމެ ގަޑިއަކު ކިތަންމެ އަވަހަށް ތާކަށް ދާން ޖެހުނަސް ބައްޕީ ރަންތައް އަޅައިގެން ނޫނީ ނުދާކަމަށް ޚަބަރުތައް ބުނެއެވެ.
