ސައުތުގެ މަޝްހޫރު އެކްޓްރެސް ސަމަންތާ އޭނާގެ އިންސްޓަގްރާމުން ކުރީގެ ފިރިމީހާ އަދި އެކްޓަރު ނާގަ ޗައިތަނިޔާ އަންފޮލޯ ކޮށްފިއެވެ.
އެމީހުން ކައިވެނި ނިމުމަކަށް ގެނެސްފައިވާކަން އިއުލާން ކޮށްފައިވަނީ މިދިއަ އަހަރުގެ އޮކްޓޫބަރު މަހުއެވެ. ވަކިވާކަން އިއުލާން ކުރުމަށް ފަހު ސަމަންތާ ވަނީ އިންސްޓްގަރާމްގައި ހުރި އެ ދެމީހުންގެ ފޮޓޯތައްވެސް ޑިލީޓް ކޮށްފައެވެ.
ދެމީހުން ވަރިވިތާ ފަސްވަރަކަށް މަސް ފަހުން ސަމަންތާ އިންސްޓަގްރާމުން ޗައިތަނިޔާ އަންފޮލޯ ކޮށްލި ކަމުގައިވިޔަސް އަދިވެސް ސަމަންތާ އަންނަނީ އޭނާގެ ކޮއްކޮ އަކިލް އަކިނެއިނީ އާއި އެ އާއިލާގެ އެހެން މީހުން ފޮލޯ ކުރަމުންނެވެ.
View this post on Instagram
މިހާތަނަށް އެމިހުން ވަރިވި ސަބަބު ހާމަ ކޮށްފައިނުވާ އިރު ޗައިތަނިޔާ އަންނަނީ އޭނާ ބޮލީވުޑަށް ތައާރަފް ވާ ފިލްމުގެ މަސައްކަތް ކުރަމުންނެވެ. ޗައިތަނިޔާ ބޮލީވުޑަށް ތައާރަފް ވަނީ އާމިރު ޚާންގެ "ލާލް ސިންގް ޗައްޑާ"އިންނެވެ.
ސަމަންތާއަކި ޗައިތަނިޔާއަށް ވުރެ މަޝްހޫރު ތަރިއެކެވެ. ސަމަންތާ ވަނީ މިހާރު ބޮލީވުޑަށް ވެސް ތައާރަފް ވެފައެވެ. އަނެއް ކޮޅުން އޭނާ ފިލްމު "ޕުޝްޕާ" ގައި ކުޅުނު " އޫ އަންޓަވާ" އައިޓަމް ސޯންގެ ސަބަބުން އޭނާގެ މަގުބޫލު ކަން މިހާރު ވަނީ ދެގުނައަށް އިތުރު ވެފައެވެ.
