އިނގިރޭސިވިލާތުން ދަތިކުރުމުގެ ފިޔަވަޅު އަޅާފައިވާ، ރަޝިއާގެ ރައީސް ލާޑިމިރު ޕުޓިންއާއި ގާތް ގުޅުމެއް އޮންނަ އެގައުމުގެ މުއްސަދި މަހުޖަނެއް ކަމުގައިވާ އޮލެގް ޑެރިޕަސްކާގެ އަގުބޮޑު ގެއަށް ހައްދުފަހައެޅި ބަޔަކު (އެނާކިސްޓު ގުރޫޕަކުން) ވަދެ އެގެ ހިސޯރު ކޮށްފިއެވެ.

ދަ އެނާރކިސްޓު އެކްޝަން ނެޓްވާކުން ހާމަ ކޮށްފައިވާ ގޮތުގައި، ލަންޑަނުގެ ބެލްގްރޭވް ސްކުއަރގައި ހުންނެ މިގެއަށް ވަދަގަނެ މި އެނާކިސްޓް ގުރޫޕުން މި ގެ ހިސޯރު ކޮށްފައިވަނީ، ރަޝިއާއިން ޔޫކުރެއިންއަށް ދެމުންދާ ހަމަލާތަކާއި ދެކޮޅު ހެދުމުގެ ގޮތުންނާއި އަދި ޔޫކުރެއިންގެ ރައްޔިތުންގެ އިތުރުން، މިހަގުރަމައާއި ދެކޮޅު ރަޝިއާގެ ރައްޔިތުންނާއިވެސް އެއްބައިވުމުގެ ގޮތުންނެވެ.

މިގެއަށް ވަދެގެންފައިވާ މި ގުރޫޕުން ބުނެފައިވަނީ، މި ގެ ބޭނުންކުރާނީ ޔޫކުރެއިންއިންނާއި އަދި އެހެން ގައުމުތަކުންވެސް ހިޖުރަކުރާ ރެފިއުޖީންނަށް އެހީތެރިކަން ފޯރުކޮށްދިނުމަށް ކަމުގައެވެ.

މިގެ ހިސޯރުކޮށްގެން ތިބި ބައެއް މީހުން، މި ސަރަހައްދައް އެއްވި ބައެއް ނޫސްވެރިންނަށް މައުލޫމާތު ދީފައިވާ ގޮތުގައި، މި ގޭގައި ހޫނު ފެންވެސް، އަދި އައިސް އަމަލާރީގައި އެއްވެސް ބާވަތެއްގެ ކާނާއެއްވެސް ނެތްކަމުގައެވެ. އަދި މިއީ ކައިރި މާޒީއެއްގައި މިގޭގައި އެއްވެސް ބަޔަކު ދިރިއުޅެފައި ނުވާކަމުގެ ހެއްކެއް ކަމަށްވެސް މިމީހުން ނުސްވެރިންނަށް މައުލޫމާތުދެމުން ބުނެފައި ވެއެވެ.

އެމީހުން ބުނެފައިވަނީ އެމީހުން އެގޭގައި ދިރިއުޅޭކަށްވެސް އަދި އެގޭގައި ނިދާކަށްވެސް ބޭނުން ނުވާކަމަށާއި އެހެންނަަމެސް ޑިއުޓީ ބަހައިގެން އެގެ ބަހައްޓާނީ އެމީހުންގެ ބެލުމުގެ ދަށުގައި ކަމުގައެވެ.

ފާއިތުވެދިޔަ ހަފްތާގައި އިނގިރޭސިވިލާތުން އާންމު ކުރި، ދަތިކުރުމުގެ ފިވަޅު އަޅާފައިވާ ރަޝިއާގެ މަހުޖަނުންގެ ލިސްޓުގައި، އިނގިރޭސި ފުޓުބޯލަ ކުލަބު ޗެލްސީގެ ވެރިޔާ އަބުރަމޮވިޗްގެ އިތުންގެ އޭނާގެ ކުރީގެ ވިޔަފާރި ޕާޓްނަރު އޮލެގް ޑެރިޕަސްކާވެސް ހިމަނާފައި ވެއެވެ. ޑެރިޕަސްކާއަކީ ރަޝިއާގެ އެންމެ ބޮޑު އިންޑަސްޓްރިއަލް ގްރޫޕް ކަމުގައިވާ ބޭސިލް އެލެމްޓްގެ ވެރިޔާއެވެ. އަދި މީގެ އިތުރުން މި މިލިސްޓުގައި ޕުޓިންގެ އެންމެ އަރިސް އެއް ބޭފުޅެއްގެ ގޮތުގައި ފާހަގަވެގެން ގޮސްފައިވާ އިގޯރ ސެޝިންގެ އިތުރުން ޕުޓިންގެ ގާތް އިތުރު 4 މީހަކުވެސް ހިމަނާފައިވެއެވެ.

ޑެރިޕަސްކާއަކީ 2018ވަނަ އަހަރުން ފެށިގެން އެމެރިކާއިން ދަތިކުރުމުގެ ފިޔަވަޅު އަޅާފައިވާ މީހެކެވެ.