ހަލުވި ކަމާއެެކު ބޮލީވުޑް ފަތަހަ ކުރަމުން އަންނަ ޒުވާން އެކްޓަރ ކާތިކް އާރިޔާންއާ ކައިވެނިކުރުމަށް އަންހެނަކު ބޭނުން ވެ 20 ކްރޯޑް އިންޑިއާ ރުޕީސް ހުށައަޅައިފިއެވެ.
ނެޓްފްލިކްސްގައި ރިލީޒް ކުރި ކާތިކްގެ ފިލުމު "ދަމާކާ"ގައި އޭނާގެ ޑައިލޮގެއް ކުޑަ އަންހެން ކުއްޖަކު ކިޔާ ވީޑިއޯއެއް ކާތިކް ވަނީ އިންސްތްގްރާމްގައި ހިއްސާކޮށްފައެވެ.
މި ވީޑިއޯއަށް ކޮމެންޓްކުރި ފޭނަކު ވަނީ ކާތިކް އޭނާއާ ކައިވެނި ކުރުމަށް އެދިފައެވެ. އަދި ކައިވެނި ކުރާ މަތިން 20 ކްރޯޑް ރުޕީސް ދޭނެކަމަށް ވެސް އޭނާ ބުނެފައި ވެއެވެ.
އޮންލައިންކޮށް އައި ކައިވެނީގެ މި ހުށައެޅުމަށް ކާތިކް ވަނީ ޖަވާބުވެސް ދީފައެވެ. ސަމާސާކޮށްލުމުގެ ގޮތުން ކާތިކް ވަނީ އޭނާއާ ކައިވެނިކުރަންވީ ކޮންއިރަކުންތޯ ސުވާލުކޮށްފައެވެ. ކާތިކް ވަނީ ބިޑްކުރުން ފަށަންވީ ކަމަށް ބުނެ ކޮމެންޓް ވެސް ކޮށްފައެވެ.
View this post on Instagram
31 އަހަރު ގެ އެކްޓަރަކީ ބޮލީވުޑްއާއި ގުޅުން ނެތް އާއިލާ އަކުން ބޮލިވުޑަށް ނުކުމެ ކުޑަ ދުވަސްކޮޅެއްގެ ތެރޭގައި މަޝްހޫރު ކަން ހޯދި ފަންނާނެކެވެ.
ކާތިކް ބޮލީވުޑްއަށް ތައާރަފް ވެފައި ވަނީ 2011 ވަަނަ އަހަރުގެ ފިލްމް "ޕިޔާރްކާ ޕަންޗްނާމާ' އިންނެވެ. ކުރިއަށްވެސް ކާތިކްގެ ގިން ފިލްމުތަކެއް އެބަހުއްޓެވެ. އެންމެ ފަހުން އޭނާ މަސައްކަތް ނިންމާލީ ކްރިތީ ސެނޮންއާއެކު އޭނާ ފެނިގެންދާ ފިލްމު، "ޝެހްޒާދާ"ގެއެވެ.
