މާލެ އިން ރޭ ދަންވަރު ޓެކްސީއަކަށް އެރި އަންހެނަކު ގަދަކަމުން ހުޅުމާލޭގެ ދެ ވަނަ ފިޔަވައްސަށް ގެންގޮސް އޭނާ އަށް ޖިންސީ ގޯނާކުރިކަމުގެ ތުހުމަތުގައި ޓެކްސީ ޑްރައިވަރަކު ހައްޔަރުކޮށްފިއެވެ.
ފުލުހުން ބުނީ އުމުރުން 20 އަހަރުގެ ދިވެހި އަންހެނެއްގެ ނުރުހުމުގައި ހުޅުމާލޭގެ ދެ ވަނަ ފިޔަވައްސަށް ގެންގޮސް އޭނާ އަށް ޖިންސީ ގޯނާކުރި ކަމަށް ތުހުމަތުކުރެވޭ އެ މައްސަލައިގެ ރިޕޯޓް ލިބުނީ ރޭގެ ދަންވަރު ކަމަށެވެ.
????#Breaking: Rey dhanvaru Hulhumale Phase 2 ge beach gai anhen kuhjjakah jjnsee goanaa kuran ulhunu Taxi driver eh athulaiganefi.
Mihaaru eyna huree Hulhumalé Police Custodial ge belumuge dhashugai.
Ithuru mauloomaathu: https://t.co/l5jIhv6Kjc pic.twitter.com/ZrCASenb3n
— #MvCrisis (@MvCrisis) March 7, 2022
މިމައުލޫމާތު ލިބިފައިވަނީ ރޭ ދަންވަރު 12:50 ގައިކަމަށާއި، މިމައްސަލާގައި 41 އަހަރުގެ ދިވެހި ފިރިހެނަކު ހައްޔަރުކޮށްފައިވާކަމަށެވެ. އަދި މިމައްސަލަ ފުލުހުން އިތުރަށް ތަހުގީގް ކުރަމުންދާކަމަށް ވަނީ ބުނެފައެވެ.
އެ އަންހެން މީހާ އަށް ޖިންސީ ގޯނާކުރަން އުޅެނިކޮށް، ބަޔަކު އެ ޓެކްސީ ޑްރައިވަރު އަތުލައިގަތް ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ.
ކޮމެންޓު ފޮނުވާ