މި އަހަރުގެ ޖޫން މަހުގެ 10 ވަނަ ދުވަހުގައި ރިލީޒް ކުރުމަށް ތާވަލް ކޮށްފައިވާ "ޕްރިތުވީރާޖް" ނެރުން އަވަސް ކޮށްފިއެވެ.
މި ފިލްމަކީ 2017 ވަނަ އަހަރުގެ ރީތީގެ ރާނީގެ ތާޖު ބޮލުގައި އެޅި މަނޫޝީ ޗިއްލަރު އެކްޓިންގެ ދާއިރާއަށް ނުކުންނަ ފިލްމެވެ. އޭނާ އާއެކު ފިލްމުން ފެނިގެން ދާނީ އަކްޝޭ ކުމާރެވެ. އަދި ސަންޖޭ ދަތާއި ސޯނޫ ސޫދު ވެސް މުހިންމު ރޯލުތަކުން ފެނިގެން ދާނެއެވެ.
ބުދަ ދުވަހު ޔަޝްރާޖުން ވަނީ މި ފިލްމު އަވަސް ކޮށްފައިވާކަން ހާމަކޮށްފައެވެ. ފިލްމު އަވަސް ކުރީ ވިކީ ކޯޝަލްގެ ފިލްމަކާ ފުށުއަރާތީއެވެ. ނަމަވެސް މިހާރު ކަނޑައަޅާފައިވާ ތާރީހުން އަޖޭ ދޭވްގަންގެ ފިލްމަކާ ފުށޫއަރައެވެ، ނަމަވެސް އަޖޭ އާއި މަޝްވަރާ ކުރުމަށް ފަހު ފިލްމު އެޅުވުން އަވަސްކުރަން ނިންމީ ކަމަށް ޔަޝްރާޖުން ބުނެއެވެ.
Samrat Prithviraj Chauhan is arriving early on the big screen on 3rd June. In Hindi, Tamil & Telugu. Celebrate Samrat #Prithviraj Chauhan with #YRF50 only at a theatre near you. pic.twitter.com/wj3OzAptcH
— Yash Raj Films (@yrf) March 2, 2022
"ޕްރިތުވީރާޖް" އަކީ ޑރ. ޗަންދުރަޕްރަކާޝް ދިވެދީ ޑައިރެކްޓް ކޮށްފައިވާ ތާރީހީ ފިލްމެކެވެ.
މި ފިލްމުގައި ކިޔައިދޭނީ ހަނގުރާތަކަށް ވަރަށް މޮޅު ޝަހުސިއްތެއްގެ ގޮތުގައި ފާހަގަކުރެވުނު، އަދި 1178-1192 އަށް އިންޑިއާގައި ރަސްކަން ކުރި ޕްރިތުވީރާޖްގެ ވާހަކައެވެ. ފިލްމުގެ ޓައިޓްލް ރޯލް ކުޅެނީ އަކްޝޭ އެވެ.
މި ފިލްމު އަވަސް ކުރުމާއެކު މިހާރު ފިލްމު ރިލިޒް ކުރުމަށް ތާވަލް ކޮށްފައިވަނީ ޖޫން މަހުގެ 3 ވަނަ ދުވަހަށެވެ.
