ވާދަވެރިކަން ބޮޑުވެފައިވާ އެމްޑީޕީގެ ޗެއަރޕާސަން އިންތިޚާބުގައި، އެމްޑީޕީގެ ޕާލިމަންޓްރީ ގްރޫޕްގެ ލީޑަރު، ހިތަދޫ އުތުރު ދާއިރާގެ މެންބަރު މުޙައްމަދު އަސްލަމްގެ ތާޢީދު އިކޮނޮމިކް މިނިސްޓަރ ފައްޔާޟް އިސްމާޢީލަށް ކުރުމަށް ނިންމައިފިއެވެ.
ރައީސް ޞާލިހާއިވެސް އަރިސް ބޭފުޅެއްކަމަށްވާ އަސްލަމް ފައްޔާޟަށް ތަޢީދުކުރަން ނިންމާ ކުރެއްވި ޓްވީޓްގައި ވިދާޅުވީ ފައްޔާޟަށް ތަޢީދުކުރަން ނިންމީ އެމްޑީޕީ ކުރިއަރުވައި ކާމިޔާބު ޕާޓީއަކަށް ހެދުމަށްޓަކައިކަމަށެވެ. މިނިސްޓަރ ފައްޔާޟްގެ ކިބައިގައި އެ ޤާބިލްކަމާއި ކެރުމާއި ހުނަރު އެބަހުރިކަމަށާއި، ފައްޔާޟަކީ ވަރުގަދަ ލީޑަރެއްކަން ސާބިތުކޮށްދީފައިވާކަމަށެވެ.
I’ve decided to support @faya_i as the chairperson of MDP, who will lead @MDPSecretariat to greater success and strength.
Hon. Fayaz has proven to be a strong leader with exceptional political acumen, unwavering resolve, and commitment to his values. #Faya4CP #MDPhingaalan pic.twitter.com/yjOwhZNTMY— Mohamed Aslam (@aslamdp) March 3, 2022
އަންނަ މަހުގެ 16ގައި ބާއްވާ އެމްޑީޕީގެ ޗެއަރޕާސަންގެ އިންތިޚާބުގައި ދެން ވާދަކުރައްވަނީ އެޕާޓިގެ ސްޕޯކްސްޕާސަން އަދި މާފަންނު އުތުރު ދާއިރާގެ މެންބަރު އިމްތިޔާޒް ފަހުމީއެވެ.
މި އިންތިޚާބުގެ ފޯރިގަދަވެ ވާދަވެރިކަން އިތުރުވެ، ދެ ފެކްޝަންގެ ބޭފުޅުން ގެންދަވަނީ ބަހުގެ ހޫނު ރައްދުތަކެއް ދެއްވަމުންނެވެ. ޗެއަރޕާސަން އިންތިޚާބުގެ ކެމްޕެއިން ފޯރިއާއެކު ކުރިއަށްދާއިރު، ދެބޭފުޅުންވެސް ވަނީ ކެމްޕެއިންގައި މިއަދު އައްޑުއަށް ވަޑައިގެންފައެވެ.
ފައްޔާޟަށް އެމްޑީޕީގެ ބައެއް ފަރާތްތަކުން ދަނީ ކޮރަޕްޝަންގެ ބޮޑެތި ތުހުމަތުތަކެއް ކުރައްވަމުންނެވެ.
ކޮމެންޓު ފޮނުވާ